Goldman Sachs-ი მოელის, რომ ევროზონის ეკონომიკა წელს 0,6%-ით გაიზრდება, მაშინ როდესაც წინა პროგნოზის მიხედვით 0.1%-იანი ვარდნა იყო მოსალოდნელი. პროგნოზის ცვლილება, ბუნებრივი აირის ფასების მკვეთრმა დაცემამ და ჩინეთის საზღვრების გახსნამ გამოიწვია.

„ვინარჩუნებთ ჩვენს შეხედულებას, რომ ევროზონის ეკონომიკის ზრდა ზამთრის თვეებში სუსტი იქნება ენერგეტიკული კრიზისის გათვალისწინებით, მაგრამ აღარ ველით რეცესიას“, - განაცხადეს Goldman Sachs-ის ეკონომისტებმა სვენ იარი შტენის ხელმძღვანელობით.

მართალია, გერმანია და იტალია კვლავ რეცესიის ზღვარზე იქნებიან იმის გამო, რომ ადრე დამოკიდებულნი იყვნენ რუსული გაზის იმპორტზე, მაგრამ საფრანგეთსა და ესპანეთს აქვთ უფრო დივერსიფიცირებული ენერგორესურსები და ასევე უფრო ინტენსიურია მომსახურების სექტორი.

Goldman-ის გუნდი ასევე მოელის, რომ ევროპის ცენტრალური ბანკი განაგრძობს განაკვეთების გამკაცრებას, რაც მაისში მაჩვენებელს 2%-დან 3,25%-მდე გაზრდის.

reuters.com