ნედლეული ყველაზე შემოსავლიანი აქტივი იქნება 2023 წელს, რომელიც ინვესტორებს 40%-ზე მეტ შემოსავალს მოუტანს, პროგნოზირებს Goldman Sachs Group-ი.
ანალიტიკოსები ვარაუდობენ, რომ Standard & Poor's GSCI Total Return-ის ინდექსი, რომელიც 24 ტიპის საქონლის ფასის დინამიკას ითვალისწინებს, მომავალ წელს 43%-ით გაიზრდება. მიმდინარე წლის დასაწყისიდან ეს მაჩვენებელი 24%-ით გაიზარდა, ხოლო S&P 500-ის, აშშ-ში 500 ადგილობრივი კომპანიის აქციისგან შემდგარ საფონდო ბაზრის, ინდექსი 16%-ით დაეცა.
„მიუხედავად იმისა, რომ ცალკეულ საქონელზე ფასები თითქმის გაორმაგდა, მთლიანობაში სასაქონლო კაპიტალდანახარჯების მოცულობა მცირდება. ეს 2022 წლის მთავარი აღმოჩენა იყო: უკიდურესად მაღალი ფასებიც კი ვერ შექმნის საკმარის კაპიტალს,“ - წერენ ანალიტიკოსები.
Brent-ის ნავთობის ფასი 2023 წლის მეოთხე კვარტალში ბარელზე 105 დოლარს მიაღწევს, ტონა სპილენძი 10,5 ათასი დოლარი ეღირება, ხოლო თხევადი ბუნებრივი აირი აზიის სპოტ ბაზარზე $53,1-მდე მილიონ ბრიტანულ თერმო ერთეულამდე (BTU) გაძვირდება - პროგნოზირებს Goldman-ი.