დიდი ბრიტანეთის ყოფილი პრემიერ-მინისტრები გორდონ ბრაუნი და სერ ჯონ მეიჯორი მათ შორის არიან, ვინც ითხოვს ახალი საერთაშორისო ტრიბუნალის შექმნას, რომელიც ვლადიმერ პუტინის და უკრაინაში შეჭრაში დამნაშავე პირების საქმეებს გამოიძიებს.  - ამის შესახებ ინფორმაციას გამოცემა The Guardian ავრცელებს. 

გამოცემის ცნობით ისინი შეუერთდნენ კამპანიას - სამართლის, აკადემიისა და პოლიტიკის წამყვან ფიგურებთან ერთად, რომლის მიზანი უკრაინაში შეჭრის გამო რუსეთის პრეზიდენტის და სხვების გასამართლებაა.

ვებსაიტით და 2 მილიონი პეტიციის ხელმოწერით დაწყებული კამპანია, რომელსაც მთელს მსოფლიოში მხარი უკვე  740 000-მა ადამიანმა დაუჭირა, ნიურნბერგის სასამართლო პროცესის მოდელით შექმნილი სპეციალური ტრიბუნალის საზოგადოების მხარდაჭერის მოპოვებას ცდილობს.

“ნაცისტური ომის დამნაშავეების სასამართლო პროცესიდან რვა ათწლეულის შემდეგ სასიცოცხლო მნიშვნელობისაა იმის უზრუნველყოფა, რომ დადგეს „პუტინისთვის ანგარიშსწორების დღე“ - თქვა ბრაუნმა.

ინიციატივას უკვე ჰყავს 140-ზე მეტი ხელმომწერი, მათ შორის არიან  ორივე ყოფილი პრემიერ-მინისტრი, უკრაინის საგარეო საქმეთა მინისტრი დმიტრო კულება; საერთაშორისო სამართლის პროფესორი Philippe Sands QC; ბენჟამინ ფერენცი, ნიურნბერგის სამხედრო ტრიბუნალის ყოფილი პროკურორი; ჰელენა კენედი  და სერ ნიკოლას ბრატცა, ადამიანის უფლებათა ევროპული სასამართლოს ყოფილი პრეზიდენტი.

ამ კვირაში, უკრაინელმა ოფიციალურმა პირებმა რუსული ძალები ალყაში მოქცეულ ქალაქ მარიუპოლში განხორციელებულ სისასტიკეში დაადანაშაულეს, მათ შორისაა საჰაერო თავდასხმა თეატრზე, სადაც ასობით დევნილი აფარებდა თავს და დარტყმა საცურაო აუზზე, სადაც ორსული ქალები და მცირეწლოვანი ბავშვები იყვნენ შეკრებილები.  რუსულ ძალებს ასევე ადანაშაულებენ ქალაქიდან გაქცეული მშვიდობიანი მოქალაქეების მანქანების კოლონის დაბომბვაში.

ბრაუნმა აღნიშნა, რომ მარიუპლი სავსეა უდანაშაული ადამიანების ცხედრებით, იქ არიან ბავშვები, მშობლები და მათ არ მკურნალობენ.

“ეს არის საერთაშორისო დანაშაული და არის დანაშაული კაცობრიობის წინააღმდეგ, მაგრამ ამ შემთხვევაში ეს არის აგრესიის დანაშაულიც“. - აღნიშნა ბრუნმა.

უკრაინის პრეზიდენტმა ვოლოდიმირ ზელენსკიმ რუსული ძალები ცხელ წერტილებში  ჰუმანიტარული დახმარების ბლოკირებაში დაადანაშაულა.

„მათ აქვთ მკაცრი ბრძანება, გააკეთონ ყველაფერი, რათა უკრაინის ქალაქებში ჰუმანიტარული კატასტროფა მოხდეს, იმ მიზნით რომ უკრაინელებმა ოკუპანტებთან ითანამშრომლონ“, - თქვა მან და დასძინა:  რომ „ეს არის ომის დანაშაული“.

თუმცა, პუტინმა ასევე დაადანაშაულა კიევი ომის დანაშაულებში, პარასკევს 18 მარტს საფრანგეთის პრეზიდენტთან, ემანუელ მაკრონთან საუბრისას და თქვა, რომ მოსკოვი „ყველაფერს აკეთებს“ მშვიდობიანი მოსახლეობის სიკვდილის თავიდან ასაცილებლად.