გარემოს დამცველი ორგანიზაცია Greenpeace აცხადებს, რომ მისმა აქტივისტებმა ბლოკირება მოუწყვეს რუსული ნავთობის ნორვეგიაში ჩამტან ტანკერს - მათ ჯაჭვებით დაიბეს თავი ტანკერის ღუზაზე, უკრაინაში ომის გაპროტესტების მიზნით.
ტანკერი Ust Luga ამჟამად გაჩერებულია Exxon Mobil-ის ნორვეგიული დანაყოფის წინ, ოსლოდან 70-მდე კილომეტრის მოშორებით - ასე ჩანს საზღვაო მოძრაობის დაკვირვების ვებსაიტზე 25 აპრილს.
Greenpeace აცხადებს, რომ მისი აქტივისტები ადგილზე ჩავიდნენ პატარა ზომის ნავით და შემდეგ თავი მიიბეს ტანკერის ღუზის ჯაჭვზე, იმ მიზნით, რომ დაებლოკათ 95,000 ტონამდე ნავთობის გადმოტვირთვის პროცესი.
„ჩემთვის შოკისმომგვრელია, რომ ნორვეგია ფუნქციონირებს უფასო პორტის ფორმით რუსეთის ნავთობისთვის, რითაც, როგორც ვიცით, რუსეთის ომი ფინანსდება“, - ამბობს Greenpeace-ის ნორვეგიული წარმომადგენლობის ხელმძღვანელი ფროდე პლიმი.
Exxon Mobil-ის პრესმდივანმა ნორვეგიის მედიას უთხრა, რომ მისმა ნორვეგიულმა დანაყოფმა ნავთობის შეძენაზე შეთანხმება გააფორმა უკრაინაში ომის დაწყებამდე და კომპანია აღარ აპირებს მსგავსი შესყიდვების განხორციელებას.
Greenpeace მოითხოვს, რომ ევროკავშირის მიერ დაწესებული სანქციებისადმი მთავრობის მხარდაჭერამ ასევე მოიცვას რუსეთიდან ნავთობის და გაზის მთელი იმპორტი - წერს ნორვეგიის პრესა.
Greenpeace
