ასობით ლიეტუველი უკრაინისთვის მოწინავე სამხედრო დრონის შესაძენად გაერთიანდა. ძირითადად მცირე ოდენობებით, მხოლოდ სამ დღეში, დაახლოებით 3 მილიონი ევრო შეგროვდა 5 მილიონი ევროდან, იტყობინება Laisves TV, ინტერნეტ მაუწყებელი, რომელმაც კამპანია დაიწყო.

“ომის დაწყებამდე არც ერთ ჩვენგანს არ უფიქრია, რომ იარაღს ვიყიდდით, მაგრამ ახლა ეს ნორმალურია. რაღაც უნდა გაკეთდეს იმისათვის, რომ სამყარო უკეთესი გახდეს. უკვე დიდი ხანია შემოწირულობებს ვაკეთებ უკრაინისთვის იარაღის შესაძენად და ამას გავაკეთებ გამარჯვებამდე”, - ამბობს 32 წლის აგნე ბელიცკაიტე, რომელმაც ფონდში 100 ევრო გადარიცხა და ნაწილობრივ მოტივირებულია რუსეთის მიერ ლიეტუვაზე თავდასხმის შიშით.

ბოლო წლებში უპილოტო თვითმფრინავი ეფექტური აღმოჩნდა რუსეთის ძალებისა და მისი მოკავშირეების წინააღმდეგ სირიისა და ლიბიის კონფლიქტებში და მისი შეძენა ორგანიზებულია ლიეტუვის თავდაცვის სამინისტროს მიერ, რომელმაც განუცხადა Reuters-ს, რომ აპირებს ხელი მოაწეროს შეთანხმებას თურქეთთან დროების შესაძენად. 

ბოლო წლებში უკრაინამ შეიძინა 20-ზე მეტი Bayraktar TB2-ის საბრძოლო დრონები თურქული კომპანია Baykar-ისგან და კიდევ 16 27 იანვარს შეუკვეთა. 

“ისტორიაში პირველი შემთხვევაა, როცა ჩვეულებრივი ხალხი აგროვებს ფულს ბაირაქტარის მსგავსი ნივთის შესაძენად. ეს უპრეცედენტოა, ეს დაუჯერებელია”, - განუცხადა Laisves TV-ს უკრაინის ელჩმა ლიეტუვაში, ბეშტა პეტრომ.

მძიმე შეიარაღების უმეტესი ნაწილი, რომელიც ნატოს ქვეყნებმა უკრაინას გაუგზავნეს, საბჭოთა წარმოების იარაღია, რომელიც ჯერ კიდევ აღმოსავლეთ ევროპის ნატოს წევრი ქვეყნების საწყობებშია, მაგრამ ზოგიერთმა მათგანმა ახლახან დაიწყო დასავლური ჰაუბიცების მიწოდება.

“მიუხედავად იმისა, რომ მსოფლიოს უდიდესი ქვეყნების მთავრობები გაუთავებლად მსჯელობენ, ლიეტუვის საზოგადოება ერთიანდება და აპირებს 5 მილიონი ევროს შეგროვებას დრონის საყიდლად. ეს არის შთამბეჭდავი გზავნილი მსოფლიოსთვის”, - განაცხადა ბელიცკაიტემ.

წყარო: businessformula.ge