იტალიური ავტომწარმოებელი Ferrari-ის სისტემას ჰაკერები დაესხნენ თავს და მონაცემებისთვის გამოსასყიდს ითხოვენ.
„ვწუხვართ, რომ გაცნობებთ Ferrari-ში მომხდარი კიბერ ინციდენტის შესახებ, როდესაც თავდამსხმელმა შეძლეს მიეღოთ წვდომა გარკვეული სახის მონაცემებზე“, - ნათქვამია Ferrari-ის განცხადებაში.
აღნიშნულია, რომ თავდამსხმელმა მიმართა კომპანიას და მოითხოვა გამოსასყიდი მომხმარებლების მონაცემების სანაცვლოდ. Ferrari-მ უარი თქვა გადახდაზე, რადგან მათი თქმით, ასეთი მოთხოვნების დაკმაყოფილება აფინანსებს კრიმინალურ საქმიანობას და კიბერკრიმინალებს საშუალებას აძლევს გააგრძელონ თავდასხმები.
კომპანიამ აღნიშნულის შესახებ მომხმარებლებს აცნობა. გარდა ამისა, ავტომწარმოებელი დაუკავშირდა შესაბამის ორგანოებს და დარწმუნებულია, რომ ისინი ლეგიტიმურ გამოძიებას ჩაატარებენ. Ferrari ასევე ჩაატარებს საკუთარ გამოძიებას მსოფლიოს წამყვან კიბერუსაფრთხოების კომპანიასთან თანამშრომლობით.
„ფერარი ძალიან სერიოზულად ეკიდება მომხმარებლების კონფიდენციალურობას და ესმის ამ ინციდენტის სიმძიმე“, აცხადებენ კომპანიაში.
აღნიშნულია, რომ ჰაკერებმა გავლენა ვერ მოახდინეს კომპანიის მუშაობის პროცესზე.