ჩვენ ეკრანებზე ჰოლივუდის ვარსკვლავების გამოძერწილ სხეულს და ულამაზეს ფორმებს ვხედავთ, თუ რამხელა შრომა იმალება ამ ყველაფრის უკან, ალბათ, ძნელი წარმოსადგენი არ უნდა იყოს.

მსოფლიოს ვარსკვლავებს მოეთხოვებათ, რომ იდეალურად გამოიყურებოდნენ, მათ ხომ მილიონობით ადამიანი ბაძავს. თავად მსახიობები კი სპორტ დარბაზში საათებს ატარებენ, თუმცა აღსანიშნავია, რომ თითოეულ მათგანს პირადი ფიტნეს ტრენერი ჰყავს.

პერსონალურ ფიტნეს მწვრთნელებს შორის ჰოლივუდში ძალიან დიდი კონკურენციაა. წარმოგიდგენთ რამდენიმე მათგანს, რომლებმაც ყველაზე დიდ წარმატებას მიაღწიეს და დღეს ყველაზე მოთხოვნად სპეციალისტებად მიიჩნევიან.

აარონ უილიამსონი

აარონის წარმატების ისტორია არის შთაგონების უზარმაზარი წყარო. მან წარმატებამდე ძალიან ბევრი მარცხი განიცადა, ამიტომ გასაკვირი არ არის, რომ ახლა ის თავის მოსწავლეებს უდიდეს მოტივაციას აძლევს. შეერთებული შტატების ყოფილმა საზღვაო ქვეითმა პირველი ფიტნეს დარბაზი ნიუ ორლეანში 2009 წელს გახსნა. შემდეგ ის ლოს-ანჯელესში გადავიდა და შვიდი წლის შემდეგ იყო პასუხისმგებელი ისეთი ცნობილი ადამიანების განათლებასა და მომზადებაზე, როგორიცაა სილვესტერ სტალონე, დუეინ "როკი" ჯონსონი და ჯემი ფოქსი. ამჟამად ის თამაშობს სერიალში Purge.

ჯასტინ გელბენდი

დიდი მოთხოვნის გამო, "ნიუ იორკ თაიმსმა" მას საპატიო წოდება “model whisperer" მიანიჭა. ჯასტინ გელბენდი არის მანჰეტენზე მდებარე ModelFit ფიტნეს სტუდიის მფლობელი, სადაც ცნობილი "სუპერმოდელების ტრენერი" "ვიქტორიას საიდუმლოს" თითქმის ყველა ანგელოზს წვრთნის. კარდიოს გარდა, ის მოდელებს მკაცრი კვების რაციონს უდგენს, რომელიც შაქრისა და ალკოჰოლის გარეშე არის შედგენილი და ნებადართულია მხოლოდ ნახშირწყლების მოხმარება, როგორიცაა ყავისფერი ბრინჯი და ბოსტნეული.

ტრეისი ანდერსონი

ფიტნეს ინდუსტრიის ერთ -ერთი წამყვანი ქალის რევოლუციური ვარჯიშის რეჟიმი, რომელიც ცნობილია როგორც “ტრეისი ანდერსონის მეთოდი“, ძირითადად მოიცავს მსუბუქი წონის აწევას, კარდიო ცეკვას, ჯგუფურ ვარჯიშებს და პილატესს.

ტრეისი ყოფილი მოცეკვავეა. მისი პროგრამა კი მან დამოუკიდებლად შექმნა და გასაკვირი არც არის, რომ ძირითადად საცეკვაო ილეთებისგან შედგება. მან ფიტნესთან დაკავშირება მას შემდეგ გადაწყვიტა, რაც ნიუ იორკში გადასვლისას წონაში საგრძნობლად მოიმატა. მისმა ეფექტურმა სტილმა მიიზიდა კლიენტები, როგორიცაა სტეისი კიბლერი, მოლი სიმსი, გვინეტ პელტროუ, კამერონ დიაზი, მადონა და ჯენიფერ ლოპესი.

როს დიკერსონი

როს დიკერსონი დაიბადა შეერთებულ შტატებში, ტეხასში. იგი დღეს DR Physique Limited-ის მფლობელია, სადაც ძირითადად არატრადიციული ვარჯიში და კვების მკაცრი კონტროლი ხორციელდება. დიკერსონი ყურადღებას ამახვილებს ორგანულ საკვებზე და თავს არიდებს ყველა სახის დამუშავებულ საკვებს, რაც აისახება მის DR Physique Limited ვებსაიტზე. ის გთავაზობთ ყოველთვიურ ვარჯიშსა და დიეტას როგორც მამაკაცებისთვის, ასევე ქალებისთვის.

ჟანეტ ჯენკინსი

ჯანეტ ჯენკინსი 28 წელზე მეტი გამოცდილებით ჰოლივუდელების ერთ-ერთი საყვარელი ტრენერია. მას გამოცემული აქვს ვარჯიშის 18 DVD დისკიანი კოლექცია. ამერიკაში დაბადებული ფიტნეს ტრენერი ასევე არის The Hollywood Trainer LLC- ის დამფუძნებელი, პრეზიდენტი და ორი წიგნის ავტორი.

გუნარ პეტერსონი

გუნარ პეტერსონი ბევერლი ჰილსის შუაგულში ცხოვრობს, საიდანაც მას ადვილად მიუწვდება ხელი ჰოლივუდის ყველა მდიდარ და ცნობილ ქალაქზე. ის ასევე გამოირჩევა 30-წლიანი გამოცდილებით ფიტნესში და შთამბეჭდავი რეზიუმეთი. ის ადრე მამაკაც და ქალ პროფესიონალ მოკრივეებთან მუშაობდა. მის კლიენტებს შორისაა ჰიუ ჯეკმანი, მეთიუ მაკკონაჰი, სილვესტერ სტალონე და კარდაშიანების ოჯახის წევრები.

კირკ მაიერსი

Dogpound Gym დამფუძნებელსა და აღმასრულებელ დირექტორს, კირკ მაიერს წარმატების შესანიშნავი ისტორია აქვს. მაირესი ახალგაზრდობაში ძალიან დიდ წონას ებრძოდა. თანატოლების ბულინგის გამო ემოციურმა გაუწონასწორებლობამ, აიძულა იგი არაჯანსაღი საკვებისთვის მიემართა. ცუდი კვების ჩვევებისა და ჭარბი წონის გამო თითქმის 21 წლის ასაკში აღმოაჩინა, რომ სერიოზული ჯანმრთელობის პრობლემები შეექმნა. იგი ახლა 125 კილოგრამით მსუბუქია, ვიდრე 10 წლის წინ იყო. მაიერსი ტეილორ სვიფტს, ჯასტინ ბიბერს, ადამ ლევინს, ჰეკ ჯეკმენს და ასევე ვიქტორია სეკრეტის სხვადასხვა მოდელს ავარჯიშებს.

ალექს ფინი

ალექს ფინი დიდი ხანია აღიარებულია როგორც ყველაზე ელიტარული პირადი ტრენერი. მასთან მუშაობა, როგორც წესი, ძალიან პირადულია და ძირითადად, მის კლიენტებს მასთან სახლში გადასახლებას სთხოვს. სანამ პირადი ტრენერი გახდებოდა, ალექსი იყო პროფესიონალი მხედარი. იგი მუშაობდა ისეთ ცნობილ ვარსკვლავებთან, როგორებიცაა ჯენიფერ ენისტონი, ოდელ ბექჰემი უმცროსი, მაიკ ლი, ჩარლზ მელტონი და მრავალი სხვა ცნობილი სახე.

წყარო: therichest  "ბიზნესპრესნიუსი"