მაშინ, როცა აზიის ქვეყნებმა უარი თქვეს „ნულოვან კოვიდ“ პოლიტიკაზე, რომელიც მიზნად დაავადების სრულ აღმოფხვრას ისახავდა, ჰონკონგი ამ პოლიტიკას მტკიცედ იცავდა და მიუხედავად იმისა, რომ ის არის ბოლო ქვეყანა, რომელიც „ნულოვან კოვიდ“ პოლიტიკას ატარებდა, ჩინეთის ტერიტორია და აზია – წყნარი ოკეანეთში ყველაზე მომაკვდინებელი შტამის „ომიკრონის“ ტალღამ მოიცვა. ბოლო დღეებში ჰონკონგში მსოფლიოში სიკვდილიანობის რეკორდული დღიური მაჩვენებელი დაფიქსირდა.
როდესაც სიკვდილიანობამ მაქსიმუმს მიაღწია და პროზექტურები გარდაცვლილებს ვეღარ იტევდა, საჯარო საავადმყოფოებში ცხედრების შესანახი ყინულის დიდი კონტეინერები გაიგზავნა. „ჩვენ არ გვაქვს შესაბამისი ცოდნა და აღჭურვილობა, რომ ამ შტამს ვებრძოლოთ“, - ამის შესახებ ჰონკონგის ხანდაზმულთა მომსახურების ასოციაციის აღმასრულებელმა სტეფანი ლოუმ თქვა და აღნიშნა, რომ ხანდაზმულთა სახლების 70%-ში მწვავე ეპიდემიოლოგიური მდგომარეობა იყო.
ინფიცირების შემთხვევათა ზრდის გადამწყვეტი ფაქტორი არის ის, რომ ჰონკონგში ყველაზე მოწყვლადი ჯგუფების უმეტესობა აუცრელი რჩება.
ჰონკონგის უნივერსიტეტის პროფესორმა, ეპიდემიოლოგმა ბენ ქოულინგმა, აღნიშნა, რომ ხანდაზმულების ვაქცინაციისთვის ძალიან ცოტა რამ გაკეთდა და ისიც დაგვიანებით.
14 მარტის მონაცემებით ჰონკონგში კორონავირუსით 3993 ადამიანი გარდაიცვალა. აქედან ¾ გასული 12 დღის განმავლობაში გარდაიცვალა.
ქალაქში სიკვდილიანობის დღიურმა მაჩვენებელმა ევროპის რამდენიმე ქვეყნის მონაცემს გადააჭარბა და ბევრად აღემატება იმ ახლო მდებარე ქვეყნების მაჩვენებლებს, რომლებმაც „ნულოვან კოვიდ“ პოლიტიკაზე უარი თქვეს. სიკვდილიანობის მაჩვენებელი ჰონკონგში 10-ჯერ აღემატება სამხრეთ კორეის, 23-ჯერ სინგაპურის და 37-ჯერ ახალი ზელანდიის მაჩვენებლებს.
გასულ ზაფხულს სინგაპური გახდა პირველი აზიური ქვეყანა, რომელმაც „ნულოვან კოვიდზე“ უარი თქვა მანამ, სანამ შემოდგომაზე დელტა შტამის დიდი ტალღა არ აგორდა, ხოლო ახალმა ზელანდიამ „ნულოვანი კოვიდის“ პოლიტიკის გატარებაზე უარი თქვა იანვარში, როდესაც ომიკრონის შემთხვევების მატება დაფიქსირდა.
ორივე ქვეყანამ მიმდინარე თვეში მოგზაურობაზე შეზღუდვები შეამსუბუქა, თუმცა ჰონკონგი ქალაქში შესვლას კვლავ მკაცრად აკონტროლებს.
Ft.com