სამხრეთ
კავკასიაში უდიდესი სავაჭრო
ცენტრის „ჰუალინგის თბილისის
ზღვის პლაზა“ მენეჯმენტმა
მოლის ახალი კონცეპტის
მიმართულებით კიდევ ერთი ნაბიჯი გადადგა და დღეიდან, 10 სექტემბრიდან, ამ სივრცეში „კარფურის“ 52–ე ფილიალი გაიხსნა.
თავის მხრივ, „კარფური“ საქართველოში ოპერირების მეცხრე წელს აღნიშნავს და იუბილესთან დაკავშირებით მომხმარებელს ახალ ფილიალში უსასრულო ქულები, საჩუქრები და აქციები ელოდება.
„ჰუალინგ თბილისის ზღვის პლაზას“ გენერალური დირექტორი თიკო მაღრაძე „კომერსანტთან“ საუბარში ამბობს, რომ მოლის ახალი კონცეპტი გულისხმობს მომხმარებლებისთვის იდეალური სივრცის შექმნას, სადაც ყველაფერი იქნება წარმოდგენილი მათი ოჯახებისთვის. მისივე თქმით, მოლი იმდენად მრავალფუნქციური ხდება, რომ აქ შემოსულ ადამიანს ნებისმიერი პროდუქტისა თუ მომსახურების შესაძენად სხვაგან წასვლა არ მოუწევს.
„ჰუალინგ პლაზას ახალი კონცეპტის ფარგლებში ვმუშაობთ მომხმარებლებისთვის განსაკუთრებული სივრცეების შექმნაზე. დღეს Carrefour გაიხსნა, ამავე სართულზე ოქტომბრის შუა რიცხვებში მოხდება ტექნიკის წამყვანი ბრენდების შემოსვლა. „ჰუალინგის“ ზღვის პლაზაში ახლო მომავალში ავეჯის მაღაზიები - Ashley და Embawood გაიხსნება. მოლის ახალი კონცეფციაა - „ყველაფერი სახლისთვის“. გარდა ამისა, ვხსნით ფუნქციონალურ სივრცეებს, როგორებიცაა ფარმაცია და ბანკები. ასევე მნიშვნელოვანია, რომ ვგეგმავთ “Made In Georgia“ სივრცის გახხსნას, სადაც ჩვენთან მოსული ადამიანი, ადგილობრივი წარმოების პარფიუმერიას, სასაჩუქრე ნივთებსა და სხვა მრავალფეროვან პროდუქციას შეიძენს. მისივე თქმით, „ჰუალინგ პლაზაში“ ახლო მომავალში შევლენ ისეთი ბრენდები, როგორებიცაა „ალტა“, „ზუმერი“, „ბეკო“ და სხვა.
კომპანიაში ამბობენ, რომ პლაზაში ყოველ ორ თვეში გაიხსნება ახალი სივრცეები მომხმარებლებისთვის და აქ მოსულ ადამიანებს უამრავი აქციითა და პრომო შეთავაზებებით წაახალისებენ.
კიდევ ერთი სიახლე, რასაც პლაზა უმზადებს ადგილობრივ მოსახლეობას, ეს არის იუსტიციის სახლის ფილიალის გახსნა. თიკო მაღრაძე ამბობს, რომ უკვე აქტიურ ფაზაშია მოლაპარაკებები ამ საკითხზე და მიაჩნია, რომ ასეთი სერვისის შეტანა პლაზაში კიდევ უფრო გაუმარტივებს იურიდიული მომსახურების მიღებას ადგილობრივ მოსახლეობას.
„ჰუალინგი თბილისის ზღვის პლაზა“, რომელიც კავკასიის რეგიონში უდიდესი ცენტრია და მისი საერთო ფართობი 110 000 კვ/მ–ს შეადგენს, საკმაოდ მიმზიდველი აღმოჩნდა საცალო გაყიდვების კომპანიებისთვის. აქ წელიწადზე მეტია, ფუნქციონირებს სამშენებლო და სარემონტო მასალების კავკასიაში უდიდესი ჰიპერმარკეტი „მიჰაუსი“, სადაც 60 000–ზე მეტი პროდუქტია წარმოდგენილი.
კორონავირუსის პანდემიის პერიოდში „ჰუალინგ“ პლაზას ტერიტორიაზე ფუნქციონირებს მასობრივი ვაქცინაციის ცენტრი, სადაც მოქალაქეებს ვაქცინაცია წინასწარი რეგისტრაციის გარეშე შეუძლიათ.
(R)