იანვარში ექსპორტი გასული წლის ანალოგიურ პერიოდთან შედარებით 47.6%-ით $331 მლნ-მდე გაიზარდა. პოზიტიური დინამიკა საექსპორტო პარტნიორი ქვეყნების პირველი ათეულიდან ათივეში და საექსპორტო პროდუქციის პირველი ათეულიდან ასევე ათივეში დაფიქსირდა. ამის შესახებ ინფორმაციას საქსტატი ავრცელებს.

ბულგარეთში ექსპორტი 84%-ით $50 მლნ-მდე გაიზარდა და პირველი ადგილი დაიკავა, მათ გარდა ზრდა დაფიქსირდა: აზერბაიჯანში 36%-ით $47 მლნ-მდე, რუსეთში 88%-ით $43 მლნ-მდე, უკრაინაში 107%-ით $32 მლნ-მდე, ჩინეთში 3.5%-ით $28 მლნ-მდე, თურქეთში 28.8%-ით $28 მლნ-მდე, სომხეთში 129%-ით $21 მლნ-მდე, რუმინეთში 5527%-ით $8.7 მლნ-მდე, შვეიცარიაში 98.9%-ით $8.6 მლნ-მდე, უზბეკეთში 86.8%-ით 8.5 მლნ-მდე.

საექსპორტო პროდუქციაში 33.5%-იანი ზრდის შემდეგ $66.3 მლნ-ით სპილენძის მადნებმა დაიკავა. 46%-იანი ზრდის შემდეგ $36 მლნ-ით მეორე ადგილი მსუბუქმა ავტომობილებმა დაიკავა, 35%-იანი ზრდის შემდეგ $31 მლნ-ით მესამეზე ფეროშენადნობი გავიდა. ყველაზე დიდი - 275%-იანი ზრდა სამკურნალო საშუალებები მიმართულებით დაფიქსირდა და მისმა ექსპორტმა $11 მლნ-ს მიაღწია. 195%-ით $17.6 მლნ-მდე გაიზარდა აზოტოვანი სასუქების ექსპორტიც. 153%-იანი ზრდის შემდეგ კი ოქროს ექსპორტი $6.7 მლნ შეადგინა. ათეულში ასევე მოხვდნენ ღვინო, რომლის ექსპორტიც 68.8%-ით $14.7 მლნ-მდე გაიზარდა, მინერალური წყლები და თხილი.