იაპონიის მთავრობა 1 აპრილიდან აპირებს COVID-19-ს იურიდიული სტატუსი შეუცვალოს და სეზონური გრიპის შესაბამის კატეგორიაში გადაიყვანოს. ასეთი გადაწყვეტილება 20 იანვარს პრემიერ-მინისტრ ფუმიო კიშიდასა და მინისტრთა კაბინეტის რამდენიმე წევრის მონაწილეობით გამართულ შეხვედრაზე იქნება მიღებული.
ამჟამად, COVID-19 იაპონიაში შეტანილია ეგრეთ წოდებული ინფექციური დაავადებების მეორე კატეგორიაში, რაც, კერძოდ, მოითხოვს, რომ კორონავირუსით ინფიცირებულთა მკურნალობა მთლიანად სახელმწიფო ხარჯებით მოხდეს. ეს სტატუსი ასევე იძლევა შეზღუდვების აღსრულების საშუალებას, როგორიცაა COVID-19-ში ეჭვმიტანილი ადამიანების კარანტინი.
თუმცა, 1-ლი აპრილიდან დაავადების სტატუსი დაქვეითდება „მეხუთე კატეგორიამდე“, რომელიც მოიცავს, სეზონურ ვირუსულ დაავადებებს. მათ მკურნალობას იხდის თავად პაციენტი, სადაზღვევო ფასდაკლების გათვალისწინებით. ასეთი ცვლილებების შემთხვევაში, COVID-19-ის საწინააღმდეგო ვაქცინაციაც ნაწილობრივ ფასიანი გახდება. თუმცა, გარკვეული გარდამავალი პერიოდის განმავლობაში, მთავრობა კვლავ აპირებს დაფაროს კოვიდთან დაკავშირებული ხარჯები.
ასევე იგეგმება სუბსიდიების ეტაპობრივი გაუქმება იმ საავადმყოფოებისთვის, რომლებიც ახდენენ COVID-19-ის სიმპტომების მქონე პაციენტების ჰოსპიტალიზაციას.