იაპონიის ძირითადი სამომხმარებლო ინფლაციამ ოქტომბერში 40 წლიან მაქსიმუმს მიაღწია ინფლაციის დონის ზრდა, უმეტესწილად, რეკორდულად გაუფასურებული ეროვნული ვალუტითა და მსოფლიოს მასშტაბით მკვეთრად გაძვირებული სურსათითა და ენერგოპროდუქტებითაა გამოწვეული.

ქვეყნის მასშტაბით ძირითადი სამომხმარებლო ფასების ინდექსი (CPI) გაიზარდა 3.6%-ით წინა წელთან შედარებით, რაც ეკონომისტების მიერ პროგნოზირებულ 3.5%-იან ზრდას აღემატება. ეს იყო ყველაზე დიდი ნახტომი 1982 წლის თებერვლის შემდეგ, როდესაც ირან-ერაყის ომის შედეგად გამოწვეულმა ახლო აღმოსავლეთის კრიზისმა, შეაფერხა ნედლი ნავთობის მიწოდება და გამოიწვია ენერგიის ფასების ზრდა.

ინფლაციის დონის ზრდისა და ეროვნული ვალუტის 30%-ით გაუფასურების მიუხედავად, იაპონიის ცენტრალური ბანკი მონეტარული პოლიტიკის გამკაცრებისგან თავს იკავებს. ცენტრალურმა ბანკმა სავალუტო ინტერვენციების განხორციელების სტრატეგია აირჩია და ოქტომბერში სავალუტო ბირჟაზე თითქმის 43 მილიარდი დოლარი დახარჯა, რითაც ეროვნული ვალუტის მხოლოდ 1.5%-ით გაამყარა.

უცხოური მიწოდების შეზღუდვამ გამოიწვია იმპორტირებული საკვების, სამრეწველო საქონლისა და საწარმოო ნაწილების ფასები, ისევე როგორც იენის ვარდნა, რომელიც დოლარის თვალსაზრისით წელს 20%-ზე მეტით დაეცა.

„მე არ შემიცვლია ჩემი შეხედულება იმის შესახებ, რომ ზრდა მალე შენელდება. ველოდები, რომ ინფლაცია პიკს მიაღწევს წლის ბოლომდე და ფასების ზრდა დაიწყებს კლებას ახალ წელს.”, - თქვა ტაკეში მინამიმ, ნორინჩუკინის კვლევითი ინსტიტუტის მთავარმა ეკონომისტმა.

reuter.com