იაპონიის სამი უსმხვილესი ბანკი 26 მარტიდან აჩერებს დოლარის ტრანზაქციას რუსულ უმსხვილეს ბანკთან Сбер. ამის შესახებ სააგენტო Kyodo ავრცელებს ინფორმაციას.
საუბარია ბანკებზე - Mitsubishi UFJ, Sumitomo Mitsui და Mizuho. შესაბამისი გადაწყვეტილება მიიღეს იმის გამო, რომ ფინანსური ტრანზაქციები ხორციელდებოდა ამერიკული ბანკების შუამავლობით, ხოლო აშშ-მა როგორც ცნობილია აკრძალა ნებისმიერი ოპერაცია Сбербанк-ის მონაწილეობით. აღნიშნული ბრძანება დღეიდან ამოქმედდა. მოსალოდნელია, რომ შესაბამის გადაწყვეტილებას მიიღებენ დანარჩენი იაპონური ბანკებიც.
სააგენტო აღნიშნავს, რომ ამ დროისთვის უცნობია აჩერებენ თუ არა იაპონური ბანკები Сбербанк-თან ტრანზაქციებს სხვა ვალუტებში, თუმცა როგორც წესი იაპონური ბანკები სხვა ვალუტებში ტრანზაქციების განხორციელებას არ ემხრობიან გარდა დოლარისა.
შეგახსენებთ, რუსეთის ხელისუფლებამ კურილის კუნძულებზე წვრთნების ჩატარება მას შემდეგ გადაწყვიტა, რაც უკრაინაში შეჭრის გამო, იაპონიამ რუს მაღალჩინოსნებსა და ოლიგარქებს სანქციები დაუწესა. სამხედრო წვრთნაში მონაწილოებას 3 000-ზე მეტი ჯარისკაცი მიიღებს.
ცნობისთვის, უკვე 70 წელზე მეტია, რაც კურილის არქიპელაგის რამდენიმე კუნძული იაპონიისა და რუსეთის დავის საგანია. უთანხმოების გამო რუსეთსა და იაპონიას მეორე მსოფლიო ომის დასრულების შესახებ სამშვიდობო ხელშეკრულებაზე ხელი ჯერ კიდევ არ მოუწერიათ.
წყარო: "ბიზნესპრენიუსი"