IDS Borjomi-მა პანდემიური 2020 წელი 64 მლნ დოლარის ზარალით დაასრულა. როგორც კომპანიის კონსოლიდირებული ანგარიშგებიდან ირკვევა, მისი შემოსავალი 2020 წელს 2019 წელთან შედარებით 15%-ით შემცირდა.
კონსოლიდირებული ფინანსური ანგარიშგების მიხედვით, 2020 წელს IDS Borjomi-ის შემოსავალმა $119 მლნ შეადგინა მაშინ, როცა ეს რიცხვი 2019 წელს $140 მლნ იყო. საანგარიშო პერიოდში კომპანიის საკუთრებაში 86 მლნ ლარის აქტივები იყო.
დოკუემნტში ვკითხულობთ, რომ ფილიალი საქმიანობას ძირითადად საქართველოში ახორციელებს. ქართული მინერალური წყლების მთავარ საექსპორტო ბაზრად რუსეთი რჩება, შემოსავალი გეოგრაფიული ბაზრების მიხედვით შემდეგია:
2020 2019
რუსეთის ფედერაცია $ 41,9 მლნ $ 59,074 მლნ
საქართველო* $ 29,431 მლნ $ 37,532 მლნ
ლატვია, ესტონეთი, ლიეტუვა $14,268 მლნ $ 14,636 მლნ
ყაზახეთი $ 13,001 მლნ $ 11,741მლნ
ბელარუსი $ 6,369 მლნ $ 8,424 მლნ
უზბეკეთი $ 2,179 მლნ –
აზერბაიჯანი $ 1,342 მლნ $ 0.876 მლნ
სხვა ქვეყნები $ 11,198 მლნ $ 7,887 მლნ
სულ შემოსავალი $ 119,729 მლნ $ 140,170 მლნ
2020 წელს რუსეთში 30%-ით მეტი ბორჯომი გაიყიდა, ვიდრე სქართველოში.
2020 წლისა 31 დეკემბრის მდგომარეობით, კომპანიის არამატერიალური აქტივები შეიცავს ბორჯომის მინერალური წყლის მოპოვების ლიცენზიას ღირებულებით 11,3 მლნ აშშ დოლარი. ეს ლიცენზია შეძენილ იქნა 2009 წლის აპრილში და 2020 წელს და აქვს, შესაბამისად, 25-წლიანი და 15-წლიანი ვადა. 2020 წლის განმავლობაში ფილიალმა გაზარდა ბორჯომის ჭების დატვირთვა არსებული ლიცენზიის პირობებში, რაც $1 383 000 დაჯდა.
შეგახსენებთ, რომ IDS Borjomi საქართველოში 1997 წლიდან ოპერირებს. უნიკალური მინერალური წყლის კომპანია „ჯორჯიან გლას ენდ მინერალ უოთერ კო ენ.ვი“-ის მიერ დაარსდა. სათავო ოფისი ხელახლა 2009 წლის მარტში რეგისტრირდა და დღემდე „აი დი ეს ბორჯომი ჯორჯია, აი დი ეს ბორჯომი ბევერიჯის კო ენ.ვი.-ს ქართული ფილიალის“ სახელით ფუნქციონირებს.
კომპანია ფლობს სხვადასხვა შვილობილ საწარმოს საქართველოში, აზერბაიჯანში, ლიეტუვაში, ყაზახეთში და ა.შ., რაც ერთობლიობაში წარმოადგენს „აი დი ეს ბორჯომი გრუფს“. მათი ძირითადი საქმიანობა „ბორჯომის“ და „ლიკანის“ ბრენდის ქვეშ არსებული ნატურალური მინერალური წყლის ჩამოსხმა და დისტრიბუციაა. აგრეთვე „ბაკურიანის“ წყლის ჩამოსხმა და დისტრიბუცია საქართველოში, უკრაინაში, დსთ-სა და სხვა ქვეყნებში. ჯგუფი ამუშავებს ჩამომსხმელ ობიექტებს საქართველოში, ხოლო სადისტრიბუციო კომპანიებს საქართველოში, ლიეტუვაში, ყაზახეთსა და აზერბაიჯანში.
აღსანიშნავია ისიც, რომ გასულ წელს ყოფილი ფინანსთა მინისტრი ივანე მაჭავარიანი სამწლიანი პაუზის შემდეგ კერძო სექტორს დაუბრუნდა და „IDS ბორჯომი საქართველოს“ გენერალურ დირექტოტად დაინიშნა.
ბაჩო ადამია