ამერიკის ეკონომიკის ზრდა შენელდება, თუმცა რეცესიის არანაირი ნიშანი არ არსებობს - ამის შესახებ აშშ-ის ფინანსთა მინისტრმა ჯანეტ იელენმა ტელეკომპანია NBC-თან ინტერვიუში განაცხადა.

„ეკონომიკა შენელდება. გასულ წელს იყო სწრაფი ზრდა - 5,5%, მოვახერხეთ ხალხის სამსახურებში დარუნება, რომლებმაც ის დაკარგეს პანდემიის დროს. შრომის ბაზარი ახლა ძალიან ძლიერია. ეს ეკონომიკა კი არ არის რეცესიაში, ჩვენ ვართ გარდამავალ პერიოდში, რა პერიოდშიც ეკონომიკური ზრდა შენელდება. ეს აუცილებელია. თუმცა თქვენ ახლა ვერანაირ რეცესიას ვერ ნახავთ, ამის არანაირი ნიშანი არ არის, - რეცესიის დროს არის ეკონომიკის ფართო შემცირება, რომელიც ეკონომიკის ბევრს სექტორს ეხება. ეს არ გვაქვს“, - განაცხადა მან.

თუმცა ინფლაციაზე საუბრისას მინისტრმა აღნიშნა, რომ ის ნამდვილად ძალიან მაღალია. „ფედრეზერვი ატარებს პოლიტიკას და იღებს ზომებს, რომელიც ამ ინფლაციას შეაჩერებს. ვფიქრობ, ეს მცდელობები წარმატებული იქნება“, - განაცხადა ფინანსთა მინისტრმა.

bpn.ge