გასულ თვეში ვაშინგტონმა განაცხადა, რომ რუსეთი იარაღს ჩრდილოეთ კორეისგან ყიდულობდა და უკრაინაში იყენებდა. ბრალდებები იმის შესახებ, რომ ორი მძიმე სანქციების ქვეშ მყოფი ქვეყანა სამხედრო თანამშრომლობას აძლიერებდა რუსეთის მიერ საარტილერიო ჭურვების, საბრძოლოს მასალისა და საკრუიზო რაკეტების მარაგის ამოწურვას მოჰყვა.
Pyongyang-ის კუთვნილი იარაღი და საბრძოლო მასალა ძირითადად საბჭოთა დიზაინის მიხედვით იწარმოება და მათი განლაგება რუსეთის ძალების მიერ არის შესაძლებელი - ამის შესახებ The Moscow Times-ს ლონდონის სამეფო კომბინირებული შეიარაღების ინსტიტუტის მკვლევარმა დარია დოლზიკოვამ განუცხადა.
მიუხედავად იმისა, რომ ბრძოლის ველზე , რუსულისგან განსხვავებით ჩრდილოეთ კორეის იარაღის გამოყენების არანაირი მტკიცებულება არ ყოფილა, ეს სულაც არ ნიშნავს იმას, რომ ჩრდილოეთ კორეის იარაღი ან საბრძოლო მასალა უკრაინაში განთავსებული არ არის.
ანალიტიკოსების აზრით ჩრდილოეთ კორეა შესაძლოა რუსეთს საბრძოლო მასალის ისეთ ტიპებს აწვდიდეს, რომელთა იდენტიფიცირებაც რთულია და ფრონტზე ტრანსპორტირება შენიღბული.
აშშ- ის მტკიცებით რუსეთ ჩრდილოეთ კორეისგან მილიონობით საარტილერიო ჭურვებს ყიდულობს, მისი შესყიდვა რუსეთის უკრაინაში ბრძოლის სტილს შეესაბამება, რაც სარაკეტო და საარტილერიო ინტენსიურ თავდასხმებს გულისხმობს.
უკრაინის პრეზიდენტმა ვოლოდიმირ ზელენსკიმ გასულ თვეში განაცხადა, რომ კონფლიქტის მსვლელობისას რუსეთმა 4700-ზე მეტი რაკეტა გაუშვა, მათ შორის ის რაკეტები, რომლებიც უკრაინის ენერგეტიკული ინფრასტრუქტურის განადგურებას ისახავს მიზნად.
ამან, სავარაუდოდ რუსეთის მარაგი შეამცირა, გასულ კვირას The New York Times-მა გაავრცელა ინფორმაცია, რომ რუსეთი ახლა ისვრის ბოლო რამდენიმე თვის განმავლობაში წარმოებულ საბრძოლო მასალას.
გაეროს იარაღის ემბარგოს და სანქციების ფონზე, რომელიც მოსკოვზე თებერვალში უკრაინაში შემოჭრის შემდეგ დაწესდა, ჩრდილოეთ კორეა და რუსეთი, სავარაუდოდ, ფარულ მიწოდების არხებს იყენებენ.
მიუხედავად იმისა, რომ ჩრდილოეთ კორეა და რუსეთი 17 კილომეტრიან სახმელეთო საზღვარს იყოფენ, კოროვირუსული პანდემიის შემდეგ ვაჭრობის შემცირება ნიშნავს იმას, რომ იარაღის გადაცემა შედარებით ადვილი იქნება, თუ ისინი პირდაპირ რუსეთში მატარებლებით ან სატვირთოებით გაიგზავნება.
თაკო კვაჭანტირაძე