ამერიკელი მეწარმე ილონ მასკი ტეხასის დედაქალაქ ოსტინთან საკუთარი ქალაქის აშენებას გეგმავს. ამის შესახებ The Wall Street Journal იუწყება.

მასკმა ცოტა ხნის წინ იყიდა საძოვრები და სასოფლო-სამეურნეო მიწა ოსტინის გარეთ. რამდენიმე ათასი ჰექტარი ფართობზე მას სურს შექმნას „ტეხასური უტოპია მდინარე კოლორადოს გასწვრივ".

ქალაქს სნაილბრუკის სახელი დაერქმევა. გამოცემის წყაროების ცნობით, ის SpaceX-ისა და Boring-ის შენობების გვერდით განთავსდება, რომელთა მშენებლობა უკვე დაწყებულია.

ბიზნესმენს სურს, რომ მისი საწარმოების თანამშრომლებმა იცხოვრონ და იმუშაონ Snailbrook-ში. აღნიშნულია, რომ ტერიტორიაზე უკვე შეიქმნა რამდენიმე მოდულური სახლი, საცურაო აუზი, სპორტული მოედანი და სპორტული დარბაზი.

ტეხასის კანონის თანახმად, ადმინისტრაციული ერთეულის დასარეგისტრირებლად რეგიონში უნდა ცხოვრობდეს მინიმუმ 201 ადამიანი. სავარაუდოდ, მასკის ქალაქი ბასტროპის საგრაფოს შემადგენლობაში შევა, რომელიც მდებარეობს ოსტინიდან 56 კილომეტრში. ამ დროისთვის ბასტროპის ადმინისტრაციას მეწარმისგან განცხადება არ მიუღია.