ილონ მასკი Twitter – ის  აღმასრულებელი  დირექტორის პოზიციიდან  გადადგომას  იმ შემთხვევაში  განიხილავს, თუ ამას მომხმარებლები გადაწყვეტენ. საჯარო  გამოკითხვის გავრცელებამდე მასკმა განაცხადა, რომ twitter გაკოტრების გზაზეა.

გამოკითხვის დასრულებამდე 5 საათია დარჩენილი და მასკის გადადგომას 13 მილიონი მომხმარებლიდან 56,4%  უჭერს  მხარს.

 Twitter-ის ხელმძღვანელის კანდიდატურაზე ამჟამად მასაჩუსეტსის ტექნოლოგიური ინსტიტუტის (MIT) პროფესორი, კომპიუტერული მეცნიერების დოქტორი და პოპულარული პოდკასტის ავტორი, ლექს ფრიდმანი განიხილება.  აღსანიშნავია, რომ ფრიდმანმა Twitter-ის მართვის იდეა მასკს თავად შესთავაზა, თანაც სრულად უსასყიდლოდ.

„ნება მომეცით, რომ  Twitter-ს ცოტა  ხნით ანაზღაურების გარეშე გავუძღვე. მე უბრალოდ ჩემ დახმარებას გთავაზობთ“, - განაცხადა ფრიდმანმა. რასაც  მასკმა უპასუხა, რომ ფრიდმანს Twitter - ში  ცხოვრების დანაზოგების ინვესტირება მოუწევს.

„როგორც ჩანს, ტკივილში ყოფნა ზედმეტად გიყვარს. ერთი ნიუანსია: Twitter-ში შენი ცხოვრების დანაზოგების ინვესტირება მოგიწევს და უნდა გაითვალისწინო, რომ მაისის შემდეგ კომპანია გაკოტრებისაკენ მიმავალ სწრაფ გზაზეა. ისევ გინდა ეს სამსახური?“, - უპასუხა მასკმა.

Twitter-ის შესაძენად ილონ მასკს 44 მილიარდი დოლარის გადახდა მოუწია, რომლის ნახევარიც  სხვადასხვა  ბაკებისა და ფონდებისგან ისესხა, ნაწილი კი Tesla-ს აქციების გაყიდვით მიღებული თანხა.