კომპანია Tesla-ს მფლობელმა ილონ მასკმა გაყიდვაში ჩაუშვა ოდეკოლონი Burnt Hair, რომელიც აღწერა, როგორც „გულისამრევი სურვილების ესენიცა“. პარფუმის სახელი თავად ამბობს საკუთარ თავზე, თუ რა სურნელთან გვაქვს საქმე - სუნამოს დამწვარი თმის სუნი ასდის.
სუნამოს შეძენა შესაძელებელია The Boring Company-ს ვებ-გევრდზე და 100 დოლარი ღირს. როგორც მასკის მიერ ადრე გამოცემული უჩვეულო ნივთები, ამ სუნამომაც დიდი ინტერესი გამოიწვია. სუნამოს აქვს წითელი ფერის ფლაკონი კრისტალისებრი თავით და მასზე დასახელების გარდა დატანილია ერთადერთი გამოსახულება რომელიც თითქოს გავს კვამლს. მიუხედავად ამ უბრალო გაფორმებისა და „უჩვეულო“ სურნელისა მყიდველებმა სუნამოზე უკვე 10,000 შეკვეთა გააკეთეს.
ცნობისთვის, ილონ მასკმა ჯერ კიდევ სექტემბერში გაავრცელა ინფორმაცია, რომ The Boring Company ამზადებდა არომატს, რომელიც კაცებს ბრბოსგან აუცილებლად გამოარჩევდა. მოგვიანებით კი თქვა, რომ პარფიუმერიის ბიზნესში ჩართვა თითქოს გარდაუვალიც კი იყო, ვინაიდან მისი გვარი Musk ინგლისურად ასევე ნიშნავს მუშკს, რომელიც პარფიუმებში აქტიურად გამოიყენება. „რატომ ვეწინააღდმეგებოდი საკუთარ თავს ამდენ ხანს?“ - დაწერა მასკმა.
წყარო: bpn.ge