საერთაშორისო სავალუტო ფონდმა მსოფლიოს ეკონომიკური მიმოხილვა განაახლა. IMF 2023 წლის გლობალური ეკონომიკური ზრდის პროგნოზს ამცირებს.
ფონდის საბაზისო პროგნოზით, 2023 წელს ეკონომიკური ზრდა 2.8%-მდე შემცირდება. წლის დასაწყისში კი 2.9%-იანი ზრდა იყო პროგნოზირებული.
ფონდი მომავალ წელს ასევე 0.1 პროცენტული პუნქტით შემცირებულ 3%-იან ზრდას ელის. ეს არის ყველაზე დაბალი საშუალოვადიანი პროგნოზი, რაც კი ორგანიზაციას გასულ ათწლეულებში გამოუქვეყნებია.
ეკონომიკური ზრდის შენელება განსაკუთრებით გამოხატული იქნება მოწინავე ეკონომიკის მქონე ქვეყნებში, სადაც 2022 წლის 2.7%-დან ზრდა 2023 წელს 1.3%-მდე შემცირდება.
ალტერნატიულ სცენარში, გლობალური ზრდა მიმდინარე წელს დაახლოებით 2.5%-მდე შემცირდება, რაც 2001 წლის გლობალური ვარდნის შემდეგ, ზრდის ყველაზე დაბალი მონაცემია. განვითარებული ეკონომიკის ზრდის მაჩვენებელი კი 1%-ზე დაბალი იქნება.
რაც შეეხება რეგიონის ქვეყნებს, ორგანიზაციის შეფასებით, 2023 წელს უკრაინის ეკონომიკა 3%-ით შემცირდება. ეკონომიკური ზრდა არის მოსალოდნელი რუსეთში, სადაც IMF-ი 0.7%-იან ეკონომიკურ ზრდას პროგნოზირებს. სავალუტო ფონდის პროგნოზით საქართველოში ეკონომიკური ზრდის მაჩვენებელი 2023 წლისთვის 5%, 2024-ში კი 5.2%-ს იქნება.
რაც შეეხება ინფლაციას, გლობალური ინფლაცია 2022 წლის 8.7%-დან 2023 წელს 7%-მდე შემცირდება, საქონლის დაბალი ფასების ფონზე, მაგრამ საბაზო ინფლაცია, სავარაუდოდ, უფრო ნელა შემცირდება.