ჩინეთთან საზღვრის გაძლიერების მიზნით ინდოეთი ჰიმალაის მთებში პირველი მაგისტრალის მშენებლობას იწყებს, რომელიც ყველანაირ მეტეოროლოგიურ პირობებზე იქნება მორგებული. გზა განკუთვნილია ჯარებისა და აღჭურვილობის გადასაყვანად. ამის შესახებ Bloomberg-ი წერს.
283-კილომეტრიანი ავტომაგისტრალი მთიან რაიონებში რეგიონისკენ უმოკლესი გზა იქნება. პროექტი 206 მილიონი დოლარი დაჯდება და 2025 წლის დეკემბრისთვის უნდა დასრულდეს.
გზა ლადახის რეგიონს ქვეყანასთან ერთ წელიწადში დააკავშირებს. ამის შესახებ ინდოეთის ინფორმაციისა და მაუწყებლობის მინისტრმა ანურაგ ტაკურმა განაცხადა.
მისი თქმით, ინდოეთი ჩინეთთან საზღვრის დასაცავად კიდევ 9000 ჯარისკაცს გაგზავნის.
15 თებერვალს ინდოეთის მთავრობამ, მთის ქედის გავლით, ჰიმაჩალ პრადეშის შტატში, 4,1 კმ-იანი გვირაბის პროექტი დაამტკიცა. ამ გვირაბის ექსპლუატაციაში შესვლის შემდეგ გზა, რომელიც ინდოეთის ძირითად ნაწილს ჩინეთთან საზღვრის ყველაზე დაძაბულ მონაკვეთებთან აკავშირებს, ხელმისაწვდომი წლის ნებისმიერ დროს იქნება.
ინდოეთს აქვს ორი გზატკეცილი, რომელიც ლადახში მიდის, მაგრამ ისინი ზამთარში მინიმუმ ოთხი თვის განმავლობაში დაკეტილია. ამის გამო ინდოელ სამხედროებს ჯარის და ტვირთის ლადახში გადაყვანა საჰაერო გზით უწევთ.
ჰიმალაის მთებში ინდოეთსა და ჩინეთს შორის გამოკვეთილი საზღვრის არარსებობა მრავალი კონფლიქტის მიზეზი გახდა. შეტაკებაზე პასუხისმგებლობა ორივე მხარემ ერთმანეთს დააკისრა.
სიტუაციის გამწვავება ლადახის რეგიონში, რომელიც კუნლუნსა და ჰიმალაებს შორის მდებარეობს, 2020 წლის მაისში ჩინელ და ინდოელ სამხედროებს შორის კონფლიქტით დაიწყო.
გასული წლის ოქტომბერში გავრცელდა ინფორმაცია, რომ ინდოეთის სარდლობა, როგორც ლადახის რეგიონში ჩინეთთან საზღვრის გაძლიერების ნაწილი, სხვადასხვა სადაზვერვო თვითმფრინავების და თვალთვალის სისტემების შეძენას იწყებდა.
დეკემბერში ცნობილი გახდა შეტაკებები შესახებ არუნაჩალ-პრადეშის შტატში ფაქტობრივი კონტროლის ხაზზე. მაშინ ინდოეთისა და ჩინეთის რამდენიმე ჯარისკაცი დაშავდა.