ინდოეთის მიერ მიღებულმა გადაწყვეტილებამ ბრინჯის ექსპორტის შეზღუდვაზე გავლენა, შესაძლოა, საქართველოზეც მოახდენს. საუბარია დაქუცმაცებული ბრინჯის ექსპორტის შეზღუდვაზე.
საქსტატის საიტზე განთავსებულ მონაცემებში ბრინჯის იმპორტში ერთ-ერთი მიმართულებაა სწორედ „ნახევრად დამსხვრეული ან მთლიანად დამსხვრეული ბრინჯი, გაპრიალებული ან გაუპრიალებელი, მოჭიქული ან მოუჭიქავი“.
სწორედ ინდოეთია საქართველოს დამსხვრეული ბრინჯის ერთ-ერთი მსხვილი მომმარაგებელი, ის იმპორტიორ ქვეყნებს შორის მეორე ადგილზეა და მთლიანი იმპორტის 25% მასზე მოდის.
2022 წლის იანვარ-ივლისში საქართველომ ინდოეთიდან მთლიანობაში 1 მლნ 495 ათას 350 დოლარის ღირებულების 1,699.69 ტონა დაქუცმაცებული ბრინჯი შეიძინა.
ჯამში კი ქვეყანამ 2022 წლის პირველ 7 თვეში 4 913 960 დოლარის ღირებულების 6 771.29 ტონა ბრინჯი იყიდა.
დამსხვრეული ბრინჯის იმპორტიორი ქვეყნები:
• პაკისტანი - $ 2 167 690 - 3 814.82 ტონა
• ინდოეთი - $1 495 350 – 1 699.69 ტონა
• რუსეთი - $530 420 - 530.85 ტონა
• ტაილანდი - $224 810 - 286 ტონა
• ყაზახეთი - $96 600 - 131 ტონა
ინდოეთი მსოფლიოში ბრინჯის უდიდესი ექსპორტიორია, ქვეყანამ ბრინჯის ექსპორტის შეზღუდვაზე გადაწყვეტილება უხვი ნალექის გამო მარაგების დაახლოებით 8%-ით შემცირების გამო მიიღო. როგორც უცხოური მედია წერს, ინდოეთის გადაწყვეტილება განსაკუთრებით აისახება იმ ქვეყნებზე, რომლებიც დაქუცმაცებულ ბრინჯს აქტიურად გამოიყენება. აღსანიშნავია, რომ ინდოეთის გადაწყვეტილება ბრინჯის ფასს კიდევ უფრო გაზრდის