ამერიკული კომპანია Intel Corp-ი, რომელიც გახლავთ მსოფლიოში ერთ-ერთი უმსხვილესი კომპიუტერების მაკომპლექტებლების მწარმოებელი კომპანია, აპირებს 33 მლრდ ევროს ინვესტიცია ჩადოს ევროპაში ნახევარგამტარების წარმოებაში.
ეს არის პირველი ფაზა იმ გეგმისა, რომელიც კომპანიამ გასულ წელს გამოაცხადა და რომელიც ითვალისწინებს 80 მლრდ ევროს ინვესტირებას მომდევნო 10 წლის განმავლობაში ევროპაში მიკროჩიპებისა და სხვადასხვა კომპონენტების წარმოებაში.
პირველ ეტაპზე Intel-ი მიმართავს 17 მლრდ ევროს 2 ქარხნის მშენებლობაში გერმანულ ქალაქ მაგდებურგში. როგორც მოსალოდნელია, მათი მშენებლობა დაიწყება 2023 წლიდან, ხოლო ქარხნის ექსპლუატაცია მოხდება 2027 წლიდან.
გარდა ამისა Intel-ი 12 მლრდ ევროს გაიღებს ირლანდიაში ჩიპების გამოშვების პროექტის გაფართოვებაში, რომელმაც წარმოება ორჯერ უნდა გაზარდოს.
Intel-მა ასევე დაიწყო მოლაპარაკებები იტალიის ხელისუფლებასთან ამ ქვეყანაში ქარხნის მშენებლობაზე, რომელშიც 4,5 მლრდ ევროს ინვესტიციას ჩადებს. მისი მშენებლობა 2025-2027 წლებში იგეგმება და შექმნის დამატებით 1,5 ათას სამუშაო ადგილს და დამატებით 3,5 ათასს პარტნიორ მომწოდებლებში.
სხვა გეგმებს შორისაა ახალი ევროპული R&D- ჰაბის მშენებლობა საფრანგეთში, რომელიც დამატებით ათას სამუშაო ადგილს შექმნის. სწორედ საფრანგეთი გახდება კომპანიის ევროპული განყოფილების სათაო ოფისი. ის ამავდროულად გააფართოვებს უკვე მოქმედ ტექნოლოგიურ ცენტრებს საფრანგეთსა და პოლონეთში.
bpn.ge