კორპორაცია Intel-მა ბლოკჩეინ აპლიკაციებისთვის, რომლებიც ბიტკოინის მაინინგსა და NFT-ების მოპოვებაზე მუშაობენ, ახალი ჩიპი გამოუშვა. Reuters-ის შეფასებით, კომპანიას კრიპტოვალუტების მზარდ მოხმარებაზე მოგების მიღება სურს.
Intel-ში აცხადებენ, რომ ჩიპი ენერგოეფექტური „დამაჩქარებელია,“ რაც ბლოკჩეინის ამოცანების დასაჩქარებლად არის შექმნილი, რადგან ბიტკოინ-მაინინგსა და NFT-ების მოპოვებას უზარმაზარი გამოთვლითი ძალა და დიდი ენერგია სჭირდება.
ჩიპი გაყიდვაში წლის ბოლოს გამოვა და პირველ კლიენტებს შორის Block სახელდება, რომელსაც ჯეკ დორსი ხელმძღვანელობს. მისმა ფირმამ სახელი ახლახან შეიცვალა და Square-ის ნაცვლად, Block დაირქვა, რათა ბლოკჩეინზე თავისი მზარდი ინტერესისთვის გაესვა ხაზი.
ჩიპების კორპორაცია Nvidia-მ, რომლის გრაფიკული ბარათები მაინინგისთვის ფართოდ გამოიყენება, ასევე, ცალკე ჩიპი Ethereum-ის მოპოვებისთვის შეიმუშავა.
ამ სფეროში თავისი წარმომადგენლობის გაზრდის მიზნით, Intel-მა, ასევე, შექმნა ახალი სეგმენტი, სახელწოდებით „Custom Compute Group,“ რომელიც დაჩქარებული გამოთვლითი სისტემებისა და გრაფიკის (Accelerated Computing Systems and Graphics) ბიზნესგანყოფილების შემადგენლობაშია.
წყარო: "ბიზნესპრესნიუსი"
Intel
