ციფრული აქტივების მიმართ ინტერესი მას შემდეგ გაიზარდა, რაც მარკ ცუკერბერგმა გამოაცხადა, რომ Facebook-ს META- ს დაარქმევდა.

მეტავერსიის საქონლისა და მომსახურების გლობალური ბაზარი მალე ტრილიონ დოლარად შეფასდება. ის მოიცავს ბევრ ციფრულ დეტალს, სადაც თითოეული ჰგავს სამგანზომილებიან ვირტუალურ ქალაქს. ქალაქში ავატარები ცხოვრობენ, მუშაობენ და თამაშობენ.

როგორ ყალიბდება ფასები ვირტუალურ უძრავ ქონებაზე, რა ელის მეტავერსის ეკონომიკას და როგორ აკეთებენ ფულს ციფრულ აქტივებზე?

ახალი გზა ციფრული ბაზრის გასაფართოებლად

ციფრული მიწები ანუ ვირტუალური აქტივების ახალი ფორმა - ფულის გამომუშავების კიდევ ერთი მეთოდია. ციფრული სამყარო ბიტკოინებს, ავატებს, ეთერიუმებსა და უამრავ უცხო ვალუტას გვთავაზობს.

მარკ ცუკერბერგის მიერ შექმნილმა მეტა სამყარომ ეს ნაწილი კიდევ უფრო გააფართოვა. ბოლო მონაცემების თანახმად, ციფრულ სამყაროში ინვესტორები მიწებს უკვე ყიდულობენ, რაც ნიშნავს იმას, რომ თანამედროვე სამყარო გვთავაზობს შანსს, ირეალური სამყაროდან მოგება მივიღოთ.

საინტერესოა, როგორ ყალიბდება ფასები ვირტუალურ უძრავ ქონებაზე

სამგანზომილებიან სამყაროს რომ თავისი ფულის ერთეული კრიპტოვალუტა აქვს, ეს ვიცით, თუმცა როგორც დარგის სპეციალისტები ამბობენ, უძრავი ქონების ინვესტიციების მომავალს, მეტავერსიაში უზარმაზარი შესაძლებლობები აქვს.

ინტერნეტი შეიძლება იყოს უსასრულო, მაგრამ ვირტუალური უძრავი ქონება - არა - მაგალითად, დეცენტრალანდი მეტავერსში ფლობს 90 000 მიწის ნაკვეთს, თითოეული დაახლოებით 15 მეტრია.

რიგით მოქალაქეებს არ შეუძლიათ კომპანია Apple-ის აქციების შეძენა, მაგრამ პრაქტიკულად ყველას, ვისაც აქვს ინტერნეტი, შეუძლია ვირტუალური მიწის ნაკვეთის შესყიდვა.

მეტავერსში, ვიდეო თამაშებს, საკუთარი მიწები აქვთ. სწორედ ეს მიწა გაყიდა Axie Infinity-მ 2.3 მილიონ დოლარად. ვირტუალური უძრავი ქონების დეველოპერმა, Republic Realm-მა კი The Sandbox-ში, პოპულარულ ვიდეო თამაშში 4,3 მილიონ დოლარად შეიძინა მიწის ნაკვეთი.

მიწის შესყიდვის მსურველები, უკავშირდებიან კომპანია პარცელს, რომელიც მომხმარებელს, აძლევს საშუალებას, განაცხადი გააკეთონ შერჩეული მიწის შესყიდვაზე.

სწრაფად განვითარებად, მზარდ და ზოგჯერ არასტაბილურ სივრცეში, ვირტუალური მიწის შეძენა, საინვესტიციო რისკადაც ითვლება. რადგან მეტავერსი, ჯერ კიდევ არაპროგნოზირებადი დაუსრულებელი პროექტია.

ბოლო თვეების განმავლობაში მეტავერსიაში კომერციული უძრავი ქონების ტრანზაქციების მოცულობა გაიზარდა. ექსპერტების ვარაუდით, მეტავერსში მიწის შესყიდვის ბაზარი მაღალი მოთხოვნის გამო მალე დაიხურება. შესყიდვა კრიპტოვალუტის მეშვეობით ხდება, ამ პროცესში კი ბანკი არ ერევა.

bpn.ge