გლობალურ ბაზარზე ოქროს ფასი რეკორდულ მაჩვენებელს - 1921 დოლარს - უახლოვდება, რომელიც ბოლოს 2011 წელს დაფიქსირდა.
ინვესტორები ფასის ზრდას 2000 დოლარამდე ელიან - მოხდება ამ მაჩვენებლამდე მისვლა ჯერჯერობით უცნობია.
24 ივლისს 1 უნცია ოქრო 1900 დოლარამდე, ხოლო წლის დასაწყისიდან 25%-ით გაიზარდა. სავარაუდოდ, უახლოეს დღეებში მთავარი ძვირფასი ლითონის ღირებულების ზრდა კვლავ გაგრძელდება.
რატომ ძვირდება ოქრო?
პირველ რიგში ამას ხელს აშშ-ს და ჩინეთს შორის ურთიერთობების გაუარესება, დოლარის დასუსტება და ეკონომიკური ზრდის სრულიად გაურკვეველი პერსპექტივები უწყობს. არც ერთ საკითხში ვითარება არ უმჯობესდება, ამიტომაც მომგებიან მდგომარეობაში ისინი იქნებიან, ვინც ოქროს გაძვირებაზე თამაშობს.
შესაძლებელია თუ არა მცირევადიანი ზრდის შემდეგ ოქროს ფასების ჩამოშლა - ეს უახლოეს დღეებში გაირკვევა. ამის შემდგომ კი მოთხოვნა ან გაიზრდება ან დაეცემა. რადგანაც ოქროს საერთაშორისო ფასი რეკორდს უახლოვდება, სავარაუდოდ, დიდი მოგების მიღების მიზნით დაიწყება მისი მასობრივი გაყიდვა, ამან კი შესაძლოა ბაზარზე ჭარბი მიწოდება წარმოქმნას, რაც ბუნებრივად ფასების ვარდნით დასრულდება.
ასევე დიდი მნიშვნელობა ექნება აშშ-ს ფედერალური რეზერვის გადაწყვეტილებას რეფინანსირების განაკვეთის პროცენტის თაობაზე - ოქროს ღირებულება დიდწილად დოლარზეა დამოკიდებული.
როგორც წესი, დაბალი პროცენტი ინვესტორებს აფრთხობს და ისინი სხვა უფრო მომგებიანი აქტივების ძებნას იწყებენ და პირიქით - მაღალი საპროცენტი განაკვეთი მაღალ მოგებას ნიშნავს, შესაბამისად, სხვა აქტივების ძიება ნაკლებად აქტუალური ხდება.
თუ ფედერალური რეზერვი პირველი გზით წავა, ოქრო შესაძლოა 2000 დოლარამდეც კი გაძვირდეს.
ინვესტორებi ვაშინგტონის განცხადებებს ეკონომიკის სტიმულირებაზე ყურადღებით უნდა დაუკვირდნენ - თუ ფედერალური რეზერვი საპროცენტო განაკვეთს გაზრდის - რა თქმა უნდა, ეს ოქროს ფასის ჩამოშლას არ გამოიწვევს. დღევანდელი გაურკვევლობის დროს ოქრო ერთ-ერთ ყველაზე სტაბილურ და საიმედო აქტივად რჩება.
თუმცა, ამ შემთხვევაში 2000 დოლარამდე ფასის ზრდა თითქმის გამორიცხულია, მაგრამ ზრდის დინამიკა მაინც არ შეჩერდება.
მოამზადა თენგიზ აბლოთიამ
Forbes.com