შემოსავლებისა და ხარჯების ნაწილში ჩვენ შევასრულეთ პირველ კვარტალში, მაგრამ უკვე მეორე კვარტლიდან პრობლემები გვაქვს. ჩვენი კომიტეტი მუდმივ კავშირშია ფინანსთა სამინისტროსთან და პროგნოზი დაახლოებით ასეთია, შემოსავლების ნაწილში დანაკლისი გვექნება დაახლოებით 1 მილიარდ 800 მილიონი ლარი, - ამის შესახებ საფინანსო-საბიუჯეტო კომიტეტის თავმჯდომარემ, ირაკლი კოვზანაძემ „დღის ქრონიკაში“ განაცხადა.

მისი თქმით, მთლიანი შიდაპროდუქტის ზრდა, სახელმწიფო ბიუჯეტში 4,5%-ზე გათვალისწინებული ზრდა ჩადებული, თუმცა ირაკლი კოვზანაძის განმარტებით, ახლა არათუ ზრდა გვექნება, არამედ -4%-იანი შემცირებაა მოსალოდნელი მთლიანი შიდაპროდუქტის.

„2020 წლის სახელმწიფო ბიუჯეტში ჩადებული გვაქვს 14 მილიარდ 430 მილიონია, რომელიც განკუთვნილი იქნებოდა სხვდასხვა პროექტებზე. რასაც ახლა ჩვენ ვუყურებთ დაახლოებით 1 მილიარდ 800 მილიონი დაგვაკლდება არსებული კრიზისის ფონზე სხვადასხვა მიმართულებებით. ასევე ვფიქრობთ, რომ ქვეყანა შევა რეცესიაში. ჩვენ გათვალისწინებული გვქონდა მთლიანი შიდაპროდუქტის ზრდა, სახელმწიფო ბიუჯეტში გვაქვს ჩადებული ციფრები 4,5%-ზე გათვალისწინებული ზრდა, მაგრამ არათუ ზრდა გვექნება, არამედ -4%-იანი შემცირება გვექნება მთლიანი შიდაპროდუქტის“ - განაცხადა ირაკლი კოვზანაძემ.

Imedinews.ge