ირანელმა მოჭადრაკე ქალმა საერთაშორისო ტურნირში მონაწილეობა ჰიჯაბის გარეშე მიიღო. Reuetrs წერს, რომ ის ერთ-ერთი ბოლოა იმ სპორტსმენი ქალებიდან, რომლებიც ირანში ანტისამთავრობო პროტესტის დაწყების შემდეგ, შეჯიბრებებზე ჰიჯაბის გარეშე გამოცხადდნენ.
ირანული მედიის ინფორმაციით, 1997 წელს დაბადებული სარა ხადემი ყაზახეთში მიმდინარე ფიდეს სწრაფ და ელვისებურ ჭადრაკში მსოფლიო ჩემპიონატში გამოჩნდა. ერთ-ერთი გამოცემის მიერ გამოქვეყნებულ ფოტოში ის ჰიჯაბითაც ჩანს, თუმცა უცნობია, არის თუ არა ფოტო გადაღებული იმავე ღონისძიებაზე.
ჭადრაკის საერთაშორისო ფედერაციის ვებგვერდის მიხედვით, სარა ხადემი, იგივე სარასადატ ხადემალშარიე, მსოფლიოში მოჭადრაკეთა რეიტინგში 804-ე ადგილზეა.
ირანში პროტესტის ტალღა მას შემდეგ დაიწყო, რაც 16 სექტემბერს საავადმყოფოში გარდაიცვალა 22 წლის ირანელი უფლებადამცველი ქალი, მაჰსა ამინი, რომელიც ირანის მორალის პოლიციამ ჰიჯაბის ტარების წესების დარღვევის საბაბით დააკავა და მასზე იძალადა.
ირანელი ქალი
