რუსეთის უკრაინაში შეჭრის შემდეგ, რუსეთისა და ბელარუსიისთვის დაწესებული სანქციების შედეგად, ბელარუსიაში ევროპული ბრენდების ალტერნატივის ძიება დაიწყეს. როგორც ბელარუსული პრესა წერს, ქვეყანაში ყველი - ჩილედან შემოაქვთ, ტკბილეული და ხილი - ირანიდან.

სანამ ბელგიური შოკოლადის იმპორტირებული მარაგი იწურებოდა, ტკბილეულის იმპორტიორებმა ბელარუსში არაბთა გაერთიანებული საამიროებიდან და თურქეთიდან შემოიტანეს პროდუქცია.

ახალი ბაზრის პირობებში, მაღალი ხარისხის შოკოლადის მიწოდება გაცილებით ნაკლებია, რადგან ცნობილი უცხოური სავაჭრო ნიშნები Ferrero, Mersi, Toffifee, Mozartkugeln, Halloren, Lindt, Chocmod, Cantucci, St Mitchel, Tivoli თაროებიდან გაქრა, სამაგიეროდ ისინი რუსულით ჩანაცვლდა (Собрание, Nestle, KDV group). კომპანია Топинвест-მა ტკბილეული და ორცხობილა ახლო აღმოსავლეთიდან შემოიტანა, იმპორტიორმა Шедевры вкуса-მ შოკოლადის შემოტანა ირანიდან დაიწყო, წერს ბელარუსული გამოცემა.

გარდა ამისა, უფრო და უფრო მეტი საკონდიტრო ნაწარმი ჩნდება თაროებზე თურქეთიდან (Ulker), სომხეთიდან  (Mark Sevouni, Sonuar), ირანიდან (Farmand) არაბეთის გაერთიანებული საემიროებიდან და სერბეთიდან.

ხორცპროდუქტებისა და ყველის სეგმენტში იმპორტიორებმა მომხმარებლებისთვის საყვარელი ევროპული ბრენდების რუსულით შეცვალეს. ამას გარდა, სერბული და იტალიური ყველის ნაცვლად თაროებზე ჩილესა და ურუგვაის ყველი გამოჩნდა.

გამოცემა წერს, რომ ბელარუსში ხილი და ბოსტნეული ძირითადად სომხეთიდან, ირანიდან, უზბეკეთიდან, თურქმენეთიდან შედის.

2 დღის წინ, თურქეთიდან ბელარუსში საქონლის შემოტანაზე შეზღუდვების დაწესების შესახებ გავრცელდა ინფორმაცია. როგორც ჩანს, ბელარუსები თურქული პროდუქციის გარეშე მოუწევთ დარჩენა.