ოთხმა ევროპულმა ქვეყანამ, იტალიამ, გერმანიამ, საფრანგეთმა და ნიდერლანდებმა კორონავირუსის ვაქცინასთან დაკავშირებით, ბრიტანულ-შვედურ ფარმაცევტულ და ბიოფარმაცევტულ კომპანიასთან, AstraZeneca-სთან ხელშეკრულება გააფორმა, - ამის შესახებ Reuters-ი იტალიის ჯანდაცვის მინისტრის, რობერტო სპერანცას Facebook-სტატუსზე დაყრდნობით წერს.
კონტრაქტი ქვეყნებისთვის 400 მილიონი დოზა ვაქცინის გადაცემას ითვალისწინებს. საუბარია ექსპერიმენტულ ვაქცინაზე, რომელზეც ოქსფორდის უნივერსიტეტის წამყვანი მეცნიერები მუშაობენ და, სავარაუდოდ, კვლევები შემოდგომაზე დასრულდება.
იტალიის ჯანდაცვის მინისტრის განმარტებით, ვაქცინის პირველ პარტიას 2020 წლის ბოლომდე მიიღებენ.
მაისში AstraZeneca-მა აშშ-ის ბიომედიცინის სფეროში პერსპექტიული გამოკვლევების სამსახურისგან 1 მილიარდი დოლარის ოდენობის ფინანსური დახმარება მიიღო, რომლის მიზანი ვაქცინის შემოდგომისთვის შექმნა, წარმოება და მიწოდებაა. ფარმაცევტულ კომპანიას სალიცენზიო შეთანხმება აქვს გაფორმებული ოქსფორდის უნივერსიტეტთან.
Imedinews
იტალია
