იტალიაში უკვე თითქმის არაფრის კეთება არ შეიძლება ვაქცინირების სერტიფიკატის გარეშე - აუცრელი მოქალაქეებისთვის ამ დროისთვის მსოფლიოში ყველაზე რადიკალური შეზღუდვა 15 ოქტომბერს შევიდა ძალაში და ის 23 მლნ ადამიანს - ყველა დასაქმებულს შეეხო.
ყველას, ვინც კორონავირუსი ახლახანს არ გადაიტანა და ვაქცინირებას არ გაიარა, სამსახურში სიარული ეკრძალებათ.
ასე შორს ჯერ არავინ წასულა - ზოგიერთ ქვეყანაში სავალდებულო ვაქცინაცია მოსახლეობის გარკვეული ფენებისთვის მოქმედებს. ზოგჯერ საუბარია მხოლოდ სამედიცინო დარგის ან განათლების სისტემის თანამშრომლებისთვის, ზოგჯერ საჯარო სტრუქტურებს, მაგრამ ისე, რომ არც ერთ ადამიანს, რომელიც დასაქმებულია, დარგის და საკუთრების ფორმისგან განურჩევლად - ეს მსოფლიო მასშტაბით სიახლეა.
ამ დროისთვის 12 წელზე უფროს იტალიელებს შორის 80% აცრილია და თავისუფლებით ტკბება, პროტესტებსაც აქვს ადგილი - სავალდებულო ვაქცინაციის წინააღმდეგ არა მხოლოდ იდეური ანტივაქსერები და ნეოფაშისტები, არამედ, მაგალითად, ქალაქ ტრიესტის პორტის თანამშრომლები გამოვიდნენ. ისინი ამ საერთაშორისო მნიშვნელობის ლოგისტიკური პუნქტის პარალიზებით იმუქრებიან იმ შემთხვევაში, თუ მთავრობა ამ გადაწყვეტილებას არ გააუქმებს.
ამ შემთხვევაში საქმე ვაქცინაციის შეგნებულ მოწინააღმდეგეებთან არ გვაქვს - საქმე ისაა, რომ პორტში ძირითადად აღმოსავლეთ ევროპის ქვეყნების მოქალაქეები მუშაობენ. მათ შორის უმრავლესობა აცრილია, ოღონდ ხშირ შემთხვევაში ვაქცინებით, რომლებიც ევროკავშირში აღიარებული არ არის.
იგივე ეხება სატვირთო ავტომობილების ათასობით მძღოლს და ამან შესაძლოა იტალიის სამომხმარებლო ბაზარი სრულიად ჩამოშალოს - ქვეყნის შიგნით ტვირთების გადაზიდვის 90% სწორედ ავტოტრანსპორტზე მოდის. ეს პირდაპირი რისკია სუპერმარკეტების, ავტოგასამართი სადგურების და სხვა ობიექტებისთვის.
თუ მთავრობა კომპრომისს ვერ მოძებნის, იტალიის სამომხმარებლო ბაზარს დიდი რისკი ელის.
ვაქცინირების სერტიფიკატი ყველა დასაქმებულმა ადამიანმა უნდა წარადგინოს, იქნება ეს მსხვილი კომპანიის ტოპ-მენეჯერი, თუ ბაზრის თვითდასაქმებული მოვაჭრე. ერთადერთი გამონაკლისი იმ ადამიანებზე ვრცელდება, ვისაც ვაქცინაცია სამედიცინო ჩვენებების გამო არ შეუძლია - მათ ამის დამადასტურებელი ცნობა უნდა წარადგინონ.
კანონის შესრულების კონტროლი თავად დამსაქმებლებს ევალებათ, თუმცა, სახელმწიფო ამ რთულ ამოცანას მთლიანად კერძო სექტორს ვერ გადააბარებს. ამიტომაც, კანონის აღსრულების გასაკონტროლებლად, ჩატარდება სხვა დასახვა ბიზნესების შემოწმება.
კანონის დარღვევის გამო ისჯება როგორც არავაქცინირებული თანამშრომელი, ასევე დამსაქმებელიც, რომელმაც ის არასათანადოდ შეამოწმა - თანამშრომელს 600-დან 1500-დე, დამსაქმებელს კი 400-დან 1000 ევრომდე ჯარიმის გადახდა მოიწევს.
გარდა ამისა, არავაქცინირებულ თანამშრომელს სახლში დაუყოვნებლივ გაუშვებენ და ეს არასაპატიო მიზეზით გაცდენად ჩაითვლება. სამსახურში არყოფნის დღეებში დაჯარიმებულს ხელფასი არ დაერიცხება.
დამსაქმებლებს არააცრილი თანამშრომლების სამსახურიდან პირდაპირ გაშვების უფლება არ აქვთ, თუმცა, ამ კონკრეტული შემთხვევაში დასაქმებულებს იმდენი ფინანსური თუ ადმინისტრაციური საქნციები ემუქრება, რომ მათთვის სამსახურში დარჩენას არავითარი აზრი არას აქვს.
იგივე სანქციები შეეხება ასევე დისტანციურად მომუშავეებს, რადგანაც ამ სეგმენტში გამონაკლისი დაშვება იმას მოიტანს, რომ ყველა, ვისაც ვაქცინირება არ სურს, დისტანციურ სამუშაოზე გადავა.
sueddeutsche.de
ვაქცინა
