გაზის გიგანტზე ამინდის სეზონური ცვლილებები აღმოაჩინეს, რაც პლანეტის ღერძული დახრილობის მიხედვით შეუძლებელია.

იუპიტერზე 40 წლიანმა დაკვირვებამ მზის სისტემის უდიდეს პლანეტაზე ამინდის უცნაური ცვლილება აღმოაჩინა. იუპიტერზე წლის განსაზღვრულ პერიოდში (რაც დედამიწისთვის 12 წელიწადია) ტემპერატურა იზრდება და იკლებს.

ექსპერტების აზრით, დედამიწაზე სეზონების ცვლილებას პლანეტის ღერძის 23-გრადუსიანი დახრა განაპირობებს. ამის გამო, მზის გარშემო ბრუნვისას, დედამიწის სხვადასხვა ნაწილს მზის სხვადასხვა რაოდენობას მიეწოდება.

იუპიტერის დახრილობა მხოლოდ 3 გრადუსია. რაც იმას ნიშნავს, რომ ამინდი მთელი წლის განმავლობაში თითქმის არ უნდა იცვლებოდეს. ახალმა კვლევამ აჩვენა, რომ პლანეტაზე ტემპერატურის პერიოდული რყევებია.

მეცნიერთა გუნდი სეზონების ცვლილებას გარკვეულ ანომალიურ კლიმატის ფენომენს უკავშირებს, რომელსაც ამინდზე გავლენის მოხდენა შორ დისტანციაზე შეუძლია.

მსგავსი ფენომენი დედამიწაზეც არსებობს. მას El Niño და La Niña ჰქვია. ეს უკანასკნელი წყნარი ოკეანის „ანომალიური ამინდი“ ან მისი ნაირსახეობაა და მას მთელი მსოფლიოს ამინდზე შეუძლია გავლენის მოხდენა. ამ ციკლის განმავლობაში, წყნარი ოკეანის დასავლეთში ქარების ცვლილება ჩრდილოეთ ამერიკის უმეტეს ნაწილში ნალექს იწვევს.

როდესაც იუპიტერის ჩრდილოეთ ნახევარსფეროში ზოგიერთ განედზე ტემპერატურა იმატებს, სამხრეთ ნახევარსფეროში იგივე განედზე - იკლებს.

„ეს ძალიან ჰგავს დედამიწის მაგალითს, როდესაც ერთი ნახევარსფეროს კლიმატური პირობები გავლენას ახდენს სხვა ადგილის ამინდზე. ისევე როგორც დედამიწაზე, იუპიტერზეც კლიმატის ეს ცვლილებები ანომალიური კლიმატის ფენომენის არსებობის გამო ხდება,“ - ამბობს გლენ ორტონი, NASA-ს რეაქტიული მოძრაობის ლაბორატორიის მეცნიერი.

მიღებული მონაცემები სამომავლოდ მკვლევრებს იუპიტერზე და სხვა გიგანტურ პლანეტებზე ამინდის ზუსტი პროგნოზის გაკეთებაში დაეხმარებათ.