2022 წელს, ივლისიდან დეკემბრის ჩათვლით, jobs.ge-ზე, 41,237 ვაკანსია გამოქვეყნდა, რაც 26%-ით მეტია 2021 წლის შესაბამის პერიოდთან შედარებით, ხოლო 2020 წლის შესაბამის პერიოდთან შედარებით, 159.4%-ით გაზრდილი მაჩვენებელია.
როგორც PMC-ის „დასაქმების თრექერშია“ აღნიშნული, 2022 წელს, ივლისიდან დეკემბრის ჩათვლით, jobs.ge-ზე გამოქვეყნებული ვაკანსიების საშუალო თვიურმა ზრდის ტემპმა — 4.8% შეადგინა.
2022 წლის დეკემბერში გამოქვეყნებული ვაკანსიების რაოდენობა 19%-ით ნაკლებია 2022 წლის ნოემბერში გამოქვეყნებულ ვაკანსიების რაოდენობასთან შედარებით.
სტატისტიკური მაჩვენებლების მიხედვით, 2022 წელს, გაყიდვები/შესყიდვების კატეგორიაში, ივლისიდან დეკემბრის ჩათვლით 11,928 ვაკანსია გამოქვეყნდა, რაც 2021 წლის შესაბამის პერიოდთან შედარებით, 41%-ით, ხოლო 2020 წლის შესაბამის პერიოდთან შედარებით, 197%-ით გაზრდილი მაჩვენებელია.
jobs.ge-ზე ადმინისტრაცია/მენეჯმენტის კატეგორიაში ივლისიდან დეკემბრის ჩათვლით, 9,061 ვაკანსია გამოქვეყნდა, რაც 2021 წლის შესაბამის პერიოდთან შედარებით, 22%-ით, ხოლო 2020 წლის შესაბამის პერიოდთან შედარებით, 189%-ით გაზრდილი მაჩვენებელია.
იმავდროულად, 2022 წელს, ივლისიდან დეკემბრის ჩათვლით, 10,163 ვაკანსია გამოქვეყნდა ლოჯისტიკის/ტრანსპორტის/დისტრიბუციის კატეგორიაში, რაც 2021 წლის შესაბამის პერიოდთან შედარებით, 0.1%-ით შემცირებული, ხოლო 2020 წლის შესაბამის პერიოდთან შედარებით, 116%-ით გაზრდილი მაჩვენებელია.