საქართველოში სასტუმროს საშუალო ფასები გაიზარდა. PMCG- ის კვლევითი ცენტრის მიერ მომზადებული კვლევის მიხედვით ირკვევა, რომ 2020 წლის მაისთან შედარებით ივნისის თვეში 5 ვარსკვლავიანი, 4 ვარსკვლავიანი და 3 ვარსკვლავიანი ტიპის სასტუმროების ფასები 2,4%-ით გაიზარდა. ხოლო საოჯახო ტიპის სასტუმროების ფასმა 9.9 % — ით იმატა.

2020 წლის მაისში, საქართველოში

• 3-ვარსკვლავიანი სასტუმროების საშუალო ფასმა — 126 ლარი შეადგინა
• 4-ვარსკვლავიანი სასტუმროების საშუალო ფასმა - 214 ლარი.
• საოჯახო ტიპის სასტუმროების საშუალო ფასმა მაისში 71 ლარი შეადგინა.
• 5-ვარსკვლავიან სასტუმროთა საშუალო ფასი მაისში 362 ლარი იყო.  

რეგიონები

თბილისში, 5 ვარსკვლავიან სასტუმროებში, სტანდარტული 2-ადგილიანი ნომრის საშუალო ფასმა 534 ლარი შეადგინა, კახეთში - 325 ლარი, ხოლო იმერეთში - 95 ლარი.

გურიაში, ქვემო ქართლსა და რაჭაში 4 ვარსკვლავიანი სასტუმროები არ მდებარეობს.

ყველაზე ძვირადღირებული 4 ვარსკვლავიანი სასტუმროების მაჩვენებელი შიდა ქართლში ფიქსირდება, რომლის საშუალო ფასი 330 ლარამდეა.

კვლევაში მოცემულია 3, 4 ვარსკვლავიანი და საოჯახო ტიპის სასტუმროებში სტანდარტული 2 ადგილიანი ნომრის საშუალო ფასები.

2020 წლის ივნისში, საქართველოში,

• 3-ვარსკვლავიანი სასტუმროების საშუალო ფასმა  135 ლარი შეადგინა,
• 4-ვარსკვლავიანი სასტუმროების საშუალო ფასმა - 223 ლარი.
• საოჯახო ტიპის სასტუმროების საშუალო ფასმა ივნისში 73 ლარს მიაღწია.
• 5-ვარსკვლავიან სასტუმროთა საშუალო ფასმა ივნისში 322 ლარი შეადგინა.

რეგიონები

თბილისში, 5 ვარსკვლავიან სასტუმროებში, სტანდარტული 2-ადგილიანი ნომრის საშუალო ფასმა 471 ლარი შეადგინა,

კახეთში - 327 ლარი, სამცხე-ჯავახეთში - 279 ლარი,

ხოლო აჭარაში 273 ლარი.

აღსანიშნავია, რომ შიდა ქართლში ივნისის თვეში 5 ვარსკვლავიანი სასტუმროების საშუალო ფასი 280 ლარამდე შემცირდა, მაისთან შედარებით.

კვლევიდან ჩანს, რომ ფასების მკვეთრი ზრდა ძირითადად  ძირითადად ფიქსირდება 4 ვარსკვლავიან სასტუმროებში,  კახეთში, მცხეთა- მთიანეთში, იმერეთში. საოჯახო ტიპის სასტუმროებში და 3 ვარსკვლავიან სასტუმროებში უმეტესად სტაბილური ფასი ნარჩუნდება.

მარიამ მორგოშია