უკრაინის პარლამენტის საიტზე გამოქვეყნდა პრეზიდენტის მიერ წამოყენებული ანტიოლიგარქიული კანონპროექტის ტექსტი.

თუ უმაღლესი რადა ამ კანონს მიიღებს, ოლიგარქებად აღიარებულ ადამიანებს პოლიტიკური პარტიების პირდაპირი თუ ირიბი დაფინანსება, პოლიტიკური და სამთავრობო პოსტების დაკავება და მსხვილი ობიექტების პრივატიზებაში მონაწილეობა აეკრძალებათ.

ოლიგარქების წინაამღდეგ ბრძოლის საკითხი უკრაინისთვის ყოველთვის ძალიან აქტუალური იყო, თუმცა დღეს მას საჯარო სივრცეში განსაკუთებული ყურადღება ეთმობა.

უკრაინელი ექსპერტის ალექსეი რაზუმოვსკის თქმით, ვლადიმერ ზელენსკის „ჯვაროსნული ლაშქრობა“ ოლიგარქების წინაამღდეგ შესაძლოა იყო როგორც ამომრჩეველთა გულის მოგების მცდელობა და ბრძოლის იმიტაცია, ან ოლიგარქების გავლენის შემცირების რეალურ მცდელობა.

იმისთვის, რომ მსხვილი მეწარმე ოფიციალურად მოხვდეს ოლიგარქთა სიაში ის 4-დან მინიმუმ 3 კრიტერიუმს უნდა აკმაყოფილებდეს.

პირველია  პოლიტიკურ ცხოვრებაში პირდაპირი თუ ირიბი მონაწილეობა, მუშაობა მთავრობაში, გენერალურ პროკურატურაში ან ცენტრალურ ბანკში, პარტიების დაფინანსება, სააგიტაციო მიტინგების და აქციების ჩატარება-ორგანიზება-დაფინანსება.

მეორე - მედიას ფლობა ან კონტროლი.

მესამე - მონოპოლური ან მონოპოლურთან მიახლოვებული გავლენის მქონე სამეურნეო აქტივების ფლობა.

მეოთხე - აქტივების თანხა, რომელიც  1 მლნ. საარსებო მინიმუმს აღემატება.

თუ ბიზნესმენი ამ 4-დან 2 კრიტერიუმს არ აკმაყოფილებს, ის ოლიგარქად არ ჩაითვლება.

გადაწყვეტილებას ოლიგარქად აღიარების ან არაღიარების თაობაზე იღებს უკრაინის ეროვნული უსაფრთხოების საბჭო.

ოფიციალურ პირთა განცხადებებით, დღეისთვის ოლგარქობის პირდაპირი კანდიდატი 13 ადამიანია.

„ისინი ჩვენს ქვეყანაში უზარმაზარ გავლენას ფლობენ. საუბარია მინიმუმ 13 ადამიანზე, რომელზეც თამამად შეგვიძლია ვთქვათ, რომ ისინი ოლიგარქები არიან“ - განაცხდა საბჭოს თავჯდომარემ ალექსეი დანილოვა.

გვარების ნაწილი თავად პრეზიდენტ ზელენსკიმ დაასახელა.

„გვარებს მნიშვნელობა არა აქვს - ეს შეიძლება იყოს მედვედჩუკი, კოლომოისკი, პოროშენკო, ახმეტოვი, პინჩუკი, ფირტაში, ან კიდევ ვინმე სხვა. მნიშვნელობა მხოლოდ ერთ რამეს აქვს - მზად ხარ თუ არა გამჭირვალედ და კანონიერად იმუშავო? ან გინდა ძველებურად მონოპოლიები შექმნა, მედია, დეპუტატები და საჯარო მოხელეები აკონტროლო? პირველს - მივესალმებით, მეორეს დავასრულებთ“, - განაცხადა პრეზიდენტმა.

თუმცა, ექსპერტ მიხაილ პოგრებინსკის თქმით, სინამდვილეში ეს კამპანია არა რეალური ბრძოლაა, არამედ ბრძოლის იმიტაცია.

„პროექტის პირვანდელი ვარიანტი გაცილებით უფრო მკაცრი იყო და შემდეგ შერბილდა. ოლიგარქებს მედიას ფლობა არ ეკრძალებათ - ამის გარეშე კი მათ წინაამღდეგ ყველანაირი ბრძოლა აზრს კარგავს. არც დემონოპოლიზაციის საკითხი განიხილება - ოლიგარქებს ახალი ობიექტების ყიდვა ეკრძალებათ, თორემ ის რაც აქვთ ხელშეუხებელია. რინატ ახმეტოვი უკრაინის ენერგოსექტორის 30%-ს ფლობს. თუ ეს მდგომარეობა შენარჩუნდა ბრძოლა არ იქნება“, - მიიჩნევს ის.

პორტალ strana.ua-ს მთავარი რედაქტორი იგორ გუჟვაც მიიჩნევს, რომ ახალი კანონი ვერაფერს შეცვლის.

„ოლიგარქები პოლიტიკური პარტიებს პირდაპირ არც არასდროს აფინანსებდნენ, კანონის მიღების შემდეგ ეს ჩვეულებრივად, შუამავლების მეშვეობით გაკეთდება. არც პრივატიზებაში მონაწილეობის აკრძალვაა მათთვის საშიში - მსხვილი ობიექტები უკვე დიდი ხნის წინ გაიყიდა და დიდი პრივატიზება უახლოეს დროში დაგეგმილი არც არის“ - თვლის ის.