საქართველოს სავაჭრო ქსელებში ზოგიერთი პროდუქტის მცირე დეფიციტია, უკრაინაში მიმდინარე ომის პარალელურად პროდუქტებზე მოთხოვნა საგრძნობლად გაიზარდა. შაქარი, ბურღულეული და თამბაქო — სუპერმარკეტების ნაწილში ამ პროდუქციაზე გარკვეული შეზღუდვები დაწესდა.
თამბაქოს პროდუქციის ერთ-ერთი უმსხვილესი მწარმოებელი საერთაშორისო კომპანია Japan Tobacco International-ის კორპორაციული დირექტორი ივა ხასია აცხადებს, რომ მათი ბრენდის პროდუქტებზე შეზღუდვები არ დაწესებულა. მიუხედავად იმისა, რომ კომპანიას პროდუქცია უკრაინიდან შემოაქვს, ივა ხასია ამბობს, რომ ქართულ ბაზარს დეფიციტის საფრთხე არ ემუქრება.
„ქარხანა უკრაინაში გვაქვს, პროდუქცია იქიდან შემოდიოდა. ამ ეტაპზე აქტიურად ვმუშაობთ, რომ საწარმოო პროცესები სხვა ქვეყნებზე გადავაწყოთ, რათა უზრუნველვყოთ ბაზარზე პროდუქტის უწყვეტი მიწოდება. შემიძლია გითხრათ, რომ შეზღუდვები ჩვენს ბრენდების პროდუქტების რეალიზებასთან დაკავშირებით ქართულ ბაზარზე არ გვაქვს“, – ამბობს ივა ხასია.
შეგახსენებთ, რომ Japan Tobacco International-ს ეკუთვნის ისეთი ცნობილი ბრენდები, როგორიცაა Winston, Camel, Sobranie, Mevius და LD.
კომერსანტი