სამი დიდი ბანკის ანალიტიკოსებმა, პირველი კვარტლის დადებითი შედეგების შემდეგ, ჩინეთის ეკონომიკური ზრდის შესახებ 2023 წლის პროგნოზი გააუმჯობესეს, ამის შესახებ CNBC იუწყება.
JPMorgan-ის ექსპერტებმა შეფასება 6%-დან 6,4%-მდე გაზარდეს, Citi-მ 5,7%-დან 6,1%-მდე.
Citi-ს განცხადებაში ნათქვამია, რომ ჩინეთის ეკონომიკა მტკიცედ დგას პანდემიისგან გამოჯანმრთელების გზაზე.
ჩინეთის ეკონომიკა პირველ კვარტალში წინა წლის ანალოგიურ პერიოდთან შედარებით 4,5%-ით გაიზარდა, განაცხადა სამშაბათს ქვეყნის სტატისტიკის ეროვნულმა ბიურომ. ამრიგად, ზრდის ტემპი გასული წლის ოქტომბერ-დეკემბერში 2,9%-თან შედარებით დაჩქარდა. Trading Economics-ის მიხედვით, ანალიტიკოსები, საშუალოდ, მხოლოდ 4%-იან ზრდას ელოდნენ.
„წლის ძლიერი დასაწყისი ხელს უწყობს 2023 წლის პერსპექტივის გაუმჯობესებას, - თქვა ჰაიბინგ ჟუმ, მთავარმა ეკონომისტმა JPMorgan-ში და დასძინა, რომ ჩინეთის აღდგენა სავარაუდოდ გაგრძელდება უახლოეს პერიოდში.
UBS-ის ანალიტიკოსებმა, ჩინეთის ეკონომიკასთან მიმართებაში, პროგნოზი 5.4%-დან 5.7%-მდე გაზარდეს; მორგან სტენლის ექსპერტების შეფასებით კი ჩინეთის მშპ წელს 5,7%-ით გაიზრდება.