კალათბურთელი ლებრონ ჯეიმსი მილიარდერია. იგი NBA-ს პირველი კალათბურთელია, რომელიც ამერიკული Forbes–ის სიაში მოხვდა. ჟურნალის შეფასებით, ჯეიმსმა გასულ წელს $121 მლნ–ზე მეტი გამოიმუშავა, მაგრამ ეს საკმარისი არ აღმოჩნდა, რომ მსოფლიოს ყველაზე მაღალანაზღაურებადი სპორტსმენების სიის სათავეში მოქცეულიყო. თუმცა, მისი ჯამური ქონება მილიარდს აჭარბებს.

მიიღე ინფორმაცია უფრო სწრაფად „კომერსანტის“ Telegram-ზე

37 წლის ლებრონ ჯეიმსი NBA-ს ოთხგზის და ორგზის ოლიმპიური ჩემპიონია. ლებრონი პირველი მოქმედი კალათბურთელია, რომელიც მილიარდერების სიაში შევიდა. 2014 წელს მილიარდერთა სიას მაიკლ ჯორდანი შეემატა, მაგრამ მაშინ 11 წელი იყო გასული, რაც კალათბურთის ლეგენდამ სპორტული კარიერა დაასრულა.

GQ–სთვის 2014 წელს მიცემულ ინტერვიუში ლებრონ ჯეიმსი ამბობდა, რომ მისი ერთ–ერთი მთავარი მიზანი მილაირდერობა იყო.

Forbes–ის დაანგარიშებით, ჯეიმსმა გუნდებში „კლივლენდ კავალიერს“, „მაიამი ჰიტი“ და „ლოს–ანჯელეს ლეიკერს“ ხელფასის სახით ჯამურად $385 მლნ მიიღო, ხოლო მოედნის გარეთ მან $900 მილიონამდე დააგროვა სარეკლამო შემოსავლებიდან და ბიზნესიდან.

forbes.ru