ესპანეთის საზღვაო-სამაშველო სამსახურმა სამი ნიგერიელი მიგრანტი გადაარჩინა, რომლებიც კანარის კუნძულებზე მოხვედრას არალეგალურად ცდილობდნენ. ისინი 11 დღე გემის მასიური კორპუსის გარე კონსტრუქციაზე (rudder) ისხდნენ. ინფორმაციას ABSNEWS-ი ავრცელებს.
ესპანეთის საზღვაო უსაფრთხოებისა და სამაშველო საზოგადოების ცნობით ლას-პალმასის პორტში, „ალიტინი II“-ის ნავთობის ტანკერზე აღმოაჩინეს მამაკაცები, რომელთაც დეჰიდრატაციისა და ჰიპოთერმიის სიმპტომები ჰქონდათ. სამივე მათგანი საავადმყოფოში გადაიყვანეს. როგორც ესპანეთის მთავრობამ Associated Press-ს განუცხადა, სამივე მათგანი ნიგერიიდან იყო.
ესპანეთის საზღვაო სამაშველო სააგენტომ გააზიარა სამი მამაკაცის ფოტო, რომლებიც გემის მასიური კორპუსის ქვეშ სხედან და მათ ფეხებს წყლამდე რამდენიმე სანტიმეტრი აშორებს.
მალტის დროშის ქვეშ მცურავმა გემმა ნიგერიის ლაგოსი 17 ნოემბერს დატოვა და ორშაბათს ლას პალმასში ჩავიდა. პორტებს შორის მანძილი დაახლოებით 4600 კილომეტრია.
ბოლო ორი წელიწადში 6 მსგავსი შემთხვევა დაფიქსირდა. ათასობით მიგრანტი და ლტოლვილი ჩრდილოეთ და დასავლეთ აფრიკიდან არარეგულარულად ცდილობს კანარის კუნძულებამდე ნავებით მიღწევას. მათ ნაწილი მაროკოდან, დასავლეთ საჰარადან, მავრიტანიისა და სენეგალის სანაპიროებიდან არიან.
ესპანეთის შინაგან საქმეთა სამინისტროს მონაცემებით, მსგავსი ნავებით, წელს 11,600-ზე მეტმა მიგრანტმა მიაღწია ესპანეთის კუნძულებს.
მოამზადა მაკა ბიბილაშვილმა