ივნისში ქართული კარტოფილი (სათესლე კარტოფილის გარდა) ქვეყნის ექსპორტის მთავარ სამეურნეო პროდუქტად დარჩა.
უცხოეთში კარტოფილის რეალიზაციიდან მიღებულმა შემოსავალმა 3,7 მლნ აშშ დოლარი შეადგინა, რაც მოცვის ექსპორტიდან მიღებულ შემოსავალზე 20%-ით მეტია. მოცვი ივნისში ექსპორტირებული პროდუქტების სიაში მეორე ადგილზეა.
ქართული კარტოფილის მთავარი საექსპორტო მიმართულება ისევ რუსეთია. ივნისის ექსპორტიდან რუსეთის წილი 92%-ია, რაც მთლიანი 3,7 მლნ დოლარის შემოსავლიდან 3,4 მლნ დოლარს შეადგენს. ივნისში ექსპორტირებული 8,7 ათასიტონა კარტოფილიდან 7,6 ათასი ტონა რუსეთში გაიგზავნა. რუსეთის გარდა, კარტოფილის ექსპორტი სომხეთში, ბელარუსში, ყაზახეთში, მოლდოვასა დათურქეთშიც განხორციელდა.
ივნისში საშუალოვადიანი საექსპორტო ფასი კგ-ზე 0,43 დოლარი იყო, რაც მაისის საექსპორტო ფასთან შედარებით, 10%-ით მეტია. რუსებმა, მინიმუმ, 40%-ით მეტი გადაიხადეს, ვიდრე სხვა იმპორტიორებმა, რადგან ქართველმა ფერმერებმა რუს იმპორტიორებს 1 კგ კარტოფილი 0,45 დოლარად მიყიდეს.
თუმცა მაისთან შედარებით, ივნისში კარტოფილის ექსპორტმა მოიკლო. თუმაისში 3,8 მლნ დოლარის ანუ 9,6 ათასი ტონა კარტოფილი გავიდა ქვეყნიდან, ივნისში ექსპორტი 3,7 მლნ დოლარამდე, 8,7 ათას ტონამდე შემცირდა.
წელს, ზოგადად, კარტოფილის საექსპორტო შემოსავალი რეკორდულად მაღალია. პირველ ექვს თვეში საქართველომ კარტოფილის ექსპორტიდან 8.7 მლნ დოლარი მიიღო, რაც წინა ნებისმიერ მთლიან წელთან შედარებით, სულმცირე, ორჯერ მეტია.
მიმდინარე წელს კარტოფილის მთლიანი საექსპორტო შემოსავლის 85% ქვეყანამ მხოლოდ 2 თვეში, მაისსა და ივნისში მიიღო. ეს ის პერიოდია, როცარუსეთის ბაზარზე უპრეცედენტო მოთხოვნა იყო.
პორტალ EastFruit-ის შეფასებით, ქართული კარტოფილის მიმართ უჩვეულოდ დიდი ინტერესი რუსეთში კარტოფილის მარაგების შემცირებამ განაპირობა, რაცამჟამად რუსეთისთვის პრობლემას აღარ წარმოადგენს. იქ კარტოფილის მიწოდება იზრდება და ფასებიც იკლებს. ივნისის შუა რიცხვებიდან ივლისის პირველ კვირამდე რუსეთში 1კგ კარტოფილის ფასი 0,69-დან 0,27 დოლარამდე დაეცა, რაც პრაქტიკულად, საქართველოში არსებულ დღევანდელ ფასს, კგ-ზე0,25 დოლარს ემთხვევა.
„ამრიგად, რუსეთის ბაზარზე დროებითი საექსპორტო ფანჯარა იკეტება. წინაკვირის შემდეგ რუსი იმპორტიორების მხრიდან აქტივობა, პრაქტიკულად, ნულოვანია,“ - წერს EastFruit.
რუსეთის წლევანდელმა მოთხოვნამ ქართულ ბაზარზე კარტოფილის გაძვირებაგამოიწვია. გასულ წელთან შედარებით, 1კგ კარტოფილზე ფასმა 0,05-0,12 დოლარით მოიმატა. ამჟამად საქართველოში 1კგ კარტოფილი, შარშანდელთან შედარებით, 0,05 დოლარით ძვირია.
EastFruit-ის ანალიტიკოსები მიიჩნევენ, რომ რუსული საექსპორტო შესაძლებლობა დროებითი იყო და მომდევნო სეზონზე ქართველი ფერმრები ექსპორტის განვითარებაში უფრო აქტიური უნდა იყვნენ, რისი მთავარი პირობაცმარკეტინგის დახვეწაა.
Bpn.ge
მოცვის ექსპორტი
