კომპანია ,,ვინდ ფარმი“ საკუთარი ხარჯებით ,,ქსნის ქარის ელექტროსადგურის“ პროექტის ტექნიკურ-ეკონომიკური კვლევას ჩაატარებს.
როგორც მთავრობის ადმინისტრაციის მიერ გავრცელებული ინფორმაციიდან ირკვევა, დღეს მინისტრთა კაბინეტმა იმსჯელა მთავრობის განკარგულების პროექტის შესახებ ,,საქართველოს მთავრობასა და შპს ,,ვინდ ფარმს შორის ,,ქსნის ქარის ელექტროსადგურის შესახებ დასადები ხელშეკრულების თაობაზე, რომლის საფუძველზეც საქართველოს მთავრობასა და შპს ,,ვინდ ფარმს შორის დაიდება ხელშეკრულება, რომლის თანახმადაც კომპანიამ 12 თვის განმავლობაში საკუთარი ხარჯებით უნდა ჩაატაროს ,,ქსნის ქარის ელექტროსადგურის“ პროექტის ტექნიკურ-ეკონომიკური კვლევა.
პროექტის განხორციელება იგეგმება კასპის მუნიციპალიტეტში. პროექტის მიხედვით, სავარაუდო დადგმული სიმძლავრე 50 მგვტ იქნება, სავარაუდო წლიური გამომუშავება 173,5 მლნ.კვტ.სთ, საპროექტო ღირებულება კი 59,4 მლნ. აშშ დოლარი.