კახეთში, 1 თვეში საფლავების დასუფთავების გამარტივებული სერვისი ამოქმედდება, ერთ წელიწადში კი სერვისის მთელი ქვეყნის მასშტაბით დანერგვა იგეგმება. აღნიშნულ პროექტს სტარტაპი „სა-და“ ახორციელებს.

„სა-დას“ ინფორმაციით, 1 კაციანი საფლავის ერთჯერადი  სტანდარტული მოვლა-დასუფთავება 50 ლარი ღირს, სიღრმისეული კი 100 ლარი. სიღრმისეული დასუფთავება საფლავზე არსებული სარეველა მცენარეების  ძირიანად ამოღებას გულისხმობს.

წლიური პაკეტი კლასიკი - 2 კაციანი საფლავის დასუფთავება 300 ლარი ღირს, ყოველთვიური გადახდის შემთხვევაში გადასახადი  25 ლარს შეადგენს.  4 გარდაცვლილი და ზემოთ —  წლიური პაკეტი 600 ლარია, ყოველთვიური გადახდის შემთხვევაში 50 ლარი. შესაძლებელია როგორც ერთჯერადი ისე ყოველთვიური გადახდა.

რაც შეეხება წლიურ VIP პაკეტს - 2 კაციანი საფლავის დასუფთავება - 600 ლარი ღირს, ყოველთვიური გადახდის შემთხვევაში საფასური შეადგენს 50 ლარს, 3 გარდაცვლილი და ზემოთ 900 ლარი, ყოველთვიური გადახდის შემთხვევაში შეადგენს 75 ლარს. VIP პაკეტი გულისხმობს მთელი წლის განმავლობაში დასუფთავებულ სასაფლაოს, მოვლილ მცენარეებს და საფლავის ქვას, საფლავის გალამაზებას ხელოვნური ყვავილებით და შემკვეთის სურვილის შემთხვევაში ბუნებრივი თაიგულების მიტანას.

სტარტაპი მომხმარებელს საფლავზე ყვავილის მიტანის  სერვისსაც  სთავაზობს, დღეისათვის კომპანიას ეს მომსახურება მხოლოდ თბილისში,  კუკიის  სასაფლაოზე, თელავსა და გურჯაანში აქვს. დღეისათვის საფლავზე ერთი ვარდის მიტანა 5 ლარი ღირს. კომპანია ამ სერვისის განვითარებას მთელი ქვეყნის მასშტაბით გეგმავს, ასევე  ითანამშრომლებს ყვავილების მაღაზიასთანაც.

ამჟამად  კომპანიას კახეთის  მასშტაბით საფლავების  დამსუფთავებლის  პოზიციაზე ღია  ვაკანსია აქვს.

სტარტაპი ინოვაციებისა და ტექნოლოგიების სააგენტოს (GITA) გამარჯვებულია და პროექტისთვის მან  30 000 ლარიანი გრანტი მიიღო.