საკრებულოს დამოუკიდებელი წევრი ვატო შაქარიშვილი მერიის მიერ მიკროავტუბუსების შეძენას კორუფციულ გარიგებად აფასებს და განცხადებას ავრცელებს.
პანდემიის ფონზე მუნიციპალიტეტის ბიუჯეტი შემოსავლების ნაწილში უდიდეს დანაკლისს განიცდის, მერიის პროგნოზით დაახლოებით 200 მილიონ ლარამდე. ეს ნიშნავს რომ სამწუხაროდ მერიას მოუწევს უამრავი პროექტის შეჩერება ან გადადება რომელიც თბილისში ინფრასტრუქტურის გაუმჯობესებას და სასიცოცხლოდ მნიშვნელოვანი პრობლემების მოგვარებას უნდა მომსახურებოდა. ამ ფონზე კი კალაძის გადაწყვეტილებით საბიუჯეტო თანხებით უნდა განხორციელდეს კერძო კომპანიისათვის მიკროავტობუსების შესყიდვა. რომ განვმარტოთ - თბილისის მაცხოვრებლების ფულით სურს კალაძეს რომ გააუმჯობესოს მისი ბიზნესპარტნიორის ფინანსური მდგომარეობა და გააკეთოს ის რაც ამ კომპანიის ვალდებულებაა!
წარმოადგინონ რომელიმე დასავლური ქვეყნის დედაქალაქის თუ ქალაქის მაგალითი სადაც არსებობს მსგავსი პრაქტიკა, ბიუჯეტის თანხებით კერძო კომპანიისთვის სატრანსპორტო საშუალებების შესყიდვა. ეს გადაწყვეტილება არც ერთი რაციონალური მიზნით არ იხსნება, იმისათვის რომ არ გაზრდილიყო მგზავრთა გადაყვანის ფასი მუნიციპალიტეტს შეეძლო სხვა ბერკეტების ამუშავება, მინიმუმ იმ ადამიანებისთვის ვინც სოციალურად დაუცველია და ამის პრაქტიკა გვაქვს საზოგადოებრივი ტრანსპორტის ნაწილში. კერძო კომპანიისთვის მიკროავტუბუსების ბიუჯეტის ფულით შესყიდვა არც კაპიტალური დანახარჯია და არც სოციალური ეს არის კორუფცია!