“მთავარი პირობა არის ის, რომ ამ ადამიანების მდგომარეობა უნდა გაუმჯობესდეს და არა გაუარესდეს, გარკვეული მონახაზები უკვე გვაქვს, ჯანდაცვის სამინისტროს უკვე აქვს მონაცემთა ბაზები დამუშავებული, ჩვენ გვაქვს ბევრი გასაკეთებელი ახალი სამუშაო ადგილების შესაქმნელად, როგორც საჯარო, ასევე კერძო სექტორში, ჩვენ გვეყოლება 250 000 კაციანი არმია, რომელიც თავის წვლილს შეიტანს ეკონომიკაში“, - ამის შესახებ გარემოს დაცვისა და სოფლის მეურნეობის მინისტრმა ლევან დავითაშვილმა გამართულ ბრიფინგზე განაცხადა, რითაც პრემიერ მინისტრის პროგრამას სოციალურად დაუცველი ადამიანების დასაქმების შესახებ გამოეხმაურა.
დავითაშვილის თქმით სამუშაო ძალის დეფიციტია როგორც კერძო, ასევე საჯარო სექტორშიც.
“ჩვენ დავინახეთ, რომ ბევრ სამუშაო ადგილზე დეფიციტი იყო, იქნება ეს სოფლის მეურნეობის სექტორი, გადამამუშავებელი მრეწველობა და ა.შ. თუმცა ჩვენ ამ ინიციატივის ფარგლებში უნდა შევძლოთ ახალი სამუშაო ადგილების შექმნა, ძალიან ბევრი გამოწვევაა, მათ შორის ჩვენი ქვეყნის მოვლის მიმართულებით, ჩვენი ქვეყანა უფრო სუფთად უნდა შევინახით, ჩვენი მიმართულებითაც შეიძლება ბევრი სამუშაო ადგილის შექმნა, მაგალითად ჩვენი სამინისტროს მიმართულებით, ეს უკავშირდება ტყის უკეთესად მოვლას, ჩვენ ყოველთვის ვხედავთ სამუშაო ძალის დეფიციტს. ჩვენ ამ ადამიანებს ავუმაღლებთ კვალიფიკაციას, რის შედეგადაც მათი შემოსავალი შესაძლებლობების გამოყენების შედეგად უნდა გაიზარდოს“, — აღნიშნა ლევან დავითაშვილმა
“ჩვენ ვიზრუნებთ და ვიმუშავებთ, რომ ეს სტრუქტურა აეწყოს ისე, რომ მათ შორის კერძო სექტორისთვისაც გაჩნდეს, რომ ადამიანები დაასაქმოს, მაგრამ მოდელი უნდა იყოს წამახალისებელი, ამ ადამიანებს თუ დღეს აქვთ რისკი და შიში იმისა, რომ სოციალური დახმარება შეუწყდება, თუ დროებით სამსახურს დათანხმდება, ყველანაირად ჩვენ უნდა მივცეთ გარანტიები, რომ ეს ასე არ იქნება. ჩვენი გადაწყვეტილებით, სოციალური მდგომარეობა უნდა გაუმჯობესდეს და არა გაუარესდეს“, - აღნიშნა ლევან დავითაშვილმა.