მუმბაიში დაფუძნებული სპორტული პლატფორმა Dream11-ის თანამშრომლებს 100,000 რუპია (დაახლოებით $1,200) ჯარიმის გადახდა მოუწევთ, თუ ისინი კოლეგებს დასვენების პერიოდში ან შვებულების დროს შეაწუხებენ. ამის შესახებ Bloomberg-ი წერს.

როგორც კომპანიის თანადამფუძნებელმა ბჰავიტ შეთმა CNBC-ის განუცხადა, წელიწადში 1 კვირა მათი თანამშრომლები სრულად არიან მოწყვეტილი სამსახურს, არ პასუხობენ ზარებს და წერილებს. ეს ყველაფერი ბიზნესს იმის გაცნობიერებაში ეხმარება, არიან თუ არა კონკრეტულად რომელიმე თანამშრომელზე დამოკიდებული.

Dream11-ში თვლიან, რომ ამ ტიპის „უწყვეტი“ დასვენება თანამშრომლებს საშუალებას აძლევს, მაქსიმალურად აღიდგინონ ძალები, სამსახურში დასვენებულები დანრუნდნენ, რომ მერე მაქსიმუმი გასცენ.

Bloomberg-ი წერს, რომ ბევრი სხვა ბიზნესი, მათ შორის Goldman Sachs Group Inc.-იც აძლევს თანამშრომლებს შეუზღუდავი შვებულების საშუალებას და ამ მხრივ ინდური კომპანია ერთადერთი არ არის.