დასუფთავების მსოფლიო დღის აღნიშვნის ფარგლებში, თბილისში დასუფთავების აქცია ჩატარდა, რომელშიც სახელმწიფო უწყების თანამშრომლებთან ერთად, კერძო სექტორიც აქტიურად მონაწილეობდა. მათ შორის, მსოფლიო ლიდერი დასუფთავების სფეროში, კომპანია „კერხერი“, რომელიც  მაღალი სოციალური პასუხისმგებლობით გამოირჩევა და საქართველოში არაერთი პროექტი აქვს განხორციელებული.

დასუფთავების დღესთან დაკავშირებით, კომპანიამ  სხვადასხვა წელს მოახდინა თბილისის ცნობილი  ისტორიულ-კულტურული ძეგლების დასუფთავება, რითაც ხელი შეუწყო  მათი პირვანდელი სახის შენარჩუნებას.

მათ შორის, 2021 წლის 22 სექტემბერს განხორციელებულდა საკმაოდ მასშტაბური პროექტი - თავისუფლების მოედანზე წმინდა გიორგის ძეგლის ქვეშ არსებული შადრევნის რეცხვა.

აღსანიშნავია, რომ  მსოფლიო დასუფთავების დღის იდეა 10 წლის წინ ესტონეთში გაჩნდა, როდესაც ქვეყნის მოსახლეობის 4% გამოვიდა გარემოს დასასუფთავებლად. სწორედ ამან მისცა დასაბამი მსოფლიო სამოქალაქო მოძრაობას Let’s Do It World, რომელმაც ქვეყნები გააერთიანა ერთი მიზნის გარშემო–შევინარჩუნოთ სუფთა გარემო.

დასუფთავების დღისადმი მიძღვნილი ღონისძიებები აერთიანებს მილიონობით ადამიანს 150 ქვეყანაში, როცა ზრუნვის საგანია ერთი მიზანი -  პლანეტა დედამიწის გადარჩენა!

სწორედ ამ მიზანმა გააერთიანა კერძო და საჯარო სექტორები: საქართველოს გარემოს დაცვისა და სოფლის მეურნეობის სამინისტრო, საქართველოს მწვანეთა მოძრაობა/დედამიწის მეგობრები , საქართველოს ბუნების მკვლევართა კავშირი „ორქისი“, ,,ეკოლოგიური ცნობიერების ამაღლება და ნარჩენების მართვა” პროგრამით „დავასუფთაოთ საქართველო-ფაზა III” შვედეთის მთავრობის მხარდაჭერით, საერთაშორისო კამპანიის Let’s Do IT საქართველოს ეროვნული პლატფორმის წევრი ორგანიზაცია „კავკასიის ახალგაზრდული კავშირი“ და CENN–ის პროგრამა ნარჩენების მართვის ტექნოლოგია რეგიონებში, ფაზა II, (WMTR II), რომელსაც მხარს უჭერს USAID და სხვა, რომელთა საქმიანობაც სხვათათვის მაგალითის მიმცემია.

  საქართველოში ,,კერხერი“ ერთ-ერთი პირველია იმ ორგანიზაციებს შორის,  რომლებიც აღნიშნულ ღონისძიებაში აქტიურად მონაწილეობენ და გარემოს დაცვის საქმეში სერიოზული წვლილი შეაქვთ. დასუფთავების სფეროს ლიდერი კომპანიის ჩართვა კიდევ ერთი სტიმულია, რომ საზოგადოებას გარემოზე ზრუნვის მაგალითი მისცეს და  გავუფრთხილდეთ გარემოს.

,,კერხერის“  როლი  ამ შემთხვევაში იმითაც არის გამორჩეული, რომ იგი სექტორში არსებული გამოწვევების შეცვლას საკუთარი ნებით და რესურსით ემსახურება. ამით ქვეყანაში სერიოზული ნაბიჯი გადაიდგა გარემოს გაუმჯობესების მიმართულებით.

როგორც ცნობილია, კომპანია ,,კერხერი“ აწარმოებს დასუფთავების როგორც საყოფაცხოვრებო ასევე პროფესიონალური დანიშნულების დასუფთავების  აპარატებს.

,,კერხერი“ უკვე 100 წელზე მეტია რაც მსოფლიო ბაზარზე არსებობს.  საქართველოში კომპანიის ოფიციალური წარმომადგენლობა 2016 წლიდანაა.  

რაც შეეხება მსოფლიო მასშტაბით ძეგლების წმენდის პროექტებს,  1980 წლიდან  ჩაეყარა საფუძველი და ჩამოყალიბდა როგორც ,,კერხერის“  კორპორატიულ-სოციალური პასუხისმგებლობა  მსოფლიო მემკვიდრეობის წინაშე.

ქართულ ბაზარზე კერხერი 3 მაღაზიითა წარმოდგენილი: თბილისში საბურთალო: ვაჟა-ფშაველას #4  დიღომი: აკაკი ბელიაშვილის #167. ბათუმში: ლუკა ასათიანის #51. თუმცა, აპარატების შეძენა კერხერის მომხმარებელს ოფიციალურ ონლაინ მაღაზიაშიც http://karchershop.ge -ზე  შუძლია.

(R)