სამშენებლო კომპანია ლისა ჯგუფი მომხმარებელს სხვადასხვა ფორმის და ფაქტურის დეკორატიული (ბეჭდური) ბეტონის იატაკის მოწყობას ევროპული ტექნოლოგიების გამოყენებით სთავაზობს, როგორიცაა ქვის ფაქტურა, ხის ფაქტურა, ატეხილი ქვის ფაქტურა, ქვიშის ფაქტურა და ა.შ.

როგორც „კომერსანტს“ სამშენებლო კომპანია “ლისა ჯგუფის” დამფუძნებელმა ვაკო კუსრაშვილმა განუცხადა, კომპანიის ძირითადი მიმართულება დეკორატიული (ბეჭდური)  ბეტონის იატაკის გარდა, ინდუსტრიული ობიექტების მშენებლობა და მათი ბეტონის იატაკებით მოწყობა გახლავთ.

“ჩვენი ძირითადი მიმართულება ბეტონის ინდუსტრიული იატაკებია, რამაც განაპირობა ჩვენი გადასვლა ინდუსტრიულ მშენებლობებში. ბეტონის იატაკების მოწყობა ჩვენი კომპანიის ერთ-ერთი მიმართულებაა. ჩვენ ასევე, მომხმარებელს ვთავაზობთ როგორც დეკორატიულ (ბეჭდურ) იატაკებს, ასევე სამრეწველო, ინდუსტრიულ და ეპოქსიდურ იატაკებს, ანუ მომხმარებელს იატაკების მრავალფეროვან არჩევანს ვთავაზობთ. რაც შეეხება ინდუსტრიულ მშენებლობას, უკვე რამდენიმე წელია წარმატებით ვასრულებთ ისეთ მნიშვნელოვან ობიექტებს, როგორიცაა, ავტოსერვისების, ქარხნების, სამაცივრე და შემნახველი საწყობების, ფარმაცევტული ბაზების, ღვინის ქარხნების, ასევე, ლაბორატორიების მშენებლობა“, - აღნიშნა ვაკო კუსრაშვილმა.

„ლისა ჯგუფს“ არაერთი წარმატებული პროექტი აქვს ბეტონის იატაკების მოწყობის კუთხით განხორციელებული. მათ შორისაა ქავთარაძის „გუდვილის“, „გალერეა დემასის“, „თელავის სასტუმრო რეზორტი ზუზუმბოს“, „ასკანელების ღვინის ქარხანის“, საცხოვრებელი კომპლექსის „მეტრაპარკის“, „ABF ალკოჰოლური სასმელების ქარხნის“, „საოჯახო მეღვნეობა მილდიანის“, ავჭალაში მდებარე „ტოიოტა ცენტრის“ ბეტონის იატაკებით მოწყობა, ასევე, ბათუმის ბულვარის დეკორატიული (ბეჭდური) იატაკის მოწყობა და სხვა მრავალი.

ამ ეტაპზე „ლისა ჯგუფი“ სოფელ ჯუღაანში კაკლის გადამამუშავებელი ქარხნის მშნებელობას და სოფელ ქესალოში სამაცივრე საწყობის მშენებლობას ასრულებს, მუშაობს „რუსთავის ავტოსერვისის“ მშენებლობაზე და კომპანია ჩართულია ისეთ დიდ პროექტებში, როგორიცაა ბათუმის ბულვარის რეაბილიტაცია.

როგორც ვაკო კუსრაშვილი აღნიშნავს, მათი სამომავლო მიზანი საქართველოს სამშენებლო ბაზარზე ლიდერ კომპანიად ჩამოყალიბებაა.

„ჩვენი სურვილია, რომ ბაზარზე, როგორც სამოქალაქო, ისე ინდუსტრიულ მშენებლობაში, ლიდერი კომპანია ვიყოთ, რადგან მიგვაჩნია რომ საქართველო განვითარების ეტაპზეა და რადგან მსოფლიო ეკონომიკა მშენებლობებით მიდის წინ. ჩვენც ვცდილობთ, რომ მსოფლიო და ევროსტანდარტებს ფეხი ავუწყოთ, ვთანამშრომლობთ ევროპულ კომპანიებთან და ჩვენც მიზნად გვაქვს დასახული, რომ საქართველოში ერთ-ერთი წამყვანი კომპანია ვიყოთ, არა მხოლოდ ქართველი პარტნიორებისთვის, არამედ უცხოელი პარტნიორებისთვისაც, ვინც საქართველოში შემოვა“, - აღნიშნა ვაკო კუსრაშვილმა.

კომპანია „ლისა ჯგუფის“ სახელით 2020 წელს დარეგისტრირდა, თუმცა სამშენებლო ინდუსტრიაში 2006 წლიდან აქტიურად არის ჩართული.

(R)