რადიო “კომერსანტის“ ეთერში გიორგი აბაშიშვილის საავტორო გადაცემაში „ბიზნესინსაიდერი“ „საქართველოს ხორბლისა და ფქვილის მწარმოებელთა ასოციაციის“ აღმასრულებელმა დირექტორმა ლევან სილაგავამ წისქვილკომბინატების  გაჩერებაზე,  ხორბლის  მარაგებზე და ამ საკითხის  გარშემო მთავრობასთან კომუნიკაციაზე  ისაუბრა. მისი თქმით, სამუშაო ჯგუფში, რომელიც  ამ საკითხის განსახილველად შეიქმნა, გადაწყვეტილება ვერ მიიღეს. 

ლევან სილაგავას თქმით, ხორბლისა და ფქვილის მწარმოებელთა ასოციაციის გეგმა წარმოადგენდა  იმას, რომ გარკვეულწილად  ნიველირების  შემთხვევაში ასოციაცია ითხოვდა გადაწყვეტილების  მიღებას და ამასთან იღებდა ვალდებულებას, მათ  შორის ფასთან მიმართებაში. სილაგავას თქმით, მთავრობას ჰქონდა  გარკვეული მექანიზმები, მაგრამ ეს ყველაფერი  გადაწონა  ფქვილის  იმპორტის  უფრო დაბალმა  ფასმა და აქედან  გამომდინარე, თუ  რომელს  უფრო  მულტიპლიკაციური  ეფექტი  ჰქონდა, მთლიანობაში ვერ  იქნა  შესწავლილი.

„აქედან გამომდინარე  იყო ის, რომ ჩვენ პრემიერსაც მივმართეთ,  გვინდოდა  რომ  აზრთა  სხვადასხვაობა,  რომელიც ეკონომიკური  ბლოკის სამუშაო  ჯგუფში იყო დაფიქსირებული,  გარკვეულწილად  კონცენტრირებულად მოგვექცია,  პრინციპში  ამ  აჟიოტაჟის  ფონზე კომუნიკაციის  რაღაცნაირი  ფორმა  მიიღო  ამ ყველაფერმა ,რაც  არც  ჩვენ მოგვწონს,  პრემიერმაც გვიპასუხა და ვუთხარით რომ  ჩვენ  მზად  ვართ და რომ გეგმა  გვაქვს შემუშავებული.

ბატონმა  პრემიერმა  ბრძანა, რომ ეს იყოს აჟიოტაჟური  თემა, რაზეც  მე  ვთქვი, რომ სათაურის და შინაარსის ერთმანეთთან არასწორმა კორელაციამ გამოიწვია აჟიოტაჟი. ასევე  იყო მარაგების  თემაც, რაზეც  ჩვენ  პრემიერთან  აბსოლუტურ თანხვედრაში ვიყავით და იგივე  ვთქვით, რომ  მარაგები არის,  ოღონდ  ფქვილად.

დღეს  ჩვენ  მივიღეთ  კომუნიკაცია  მათ  შორის  თვითონ  ეკონომიკური  ბლოკის  სამინისტროებიდან, რომ მუშაობა ჩვენს  გეგმაზე,  მათ  გეგმაზე და  რაღაც  შეჯერებულ ვარიანტზე  გაგრძელდება  და  ეს მუშაობა  იქნება  იქით  მიმართული, რომ  წისქვილკომბინატები,  როგორც  პრემიერმა  თქვა,  არა მარტო  სეზონზე  ამუშავდნენ,  არამედ  გრძელვადიანად, იმიტომ რომ ერთი  და თვე ნახევრის  გადაფქვავა და  მერე ისევ  ფქვილზე  გადასვლა  ბიზნეს  პროცესისთვის და  დაგეგმვისთვის  პრობლემურია“,  - აღნიშნა  ლევან  სილაგავამ.

სილაგავას  თქმით, დღევანდელი  სიტუაცია  დამაკმაყოფილებელია, იმიტომ რომ  კომუნიკაცია და უკუკავშირი, რომელიც  ასოციაციასა და  მთავრობას  შორის  იყო,  უფრო  გაძლიერდა  და მაღალ დონეზე ავიდა და ეს  პროცესი  პრემიერის  პატრონაჟის  ქვეშ  იქნება.

თაკო კვაჭანტირაძე