კომუნიკაციების ექსპერტი სოსო გალუმაშვილი რუსეთში დღეს არსებულ პრობლემებზე წერს:

მიიღე ინფორმაცია უფრო სწრაფად ჩვენს Telegram-ზე.

„შემაგვიანდა ცოტა?

ჭადრაკის საერთაშორისო ფედერაციამ რუსი გროსმეიტერის დისკვალიფიკაცია მოახდინა, რომელმაც რუსეთის ომს მხარდაჭერა ღია წერილი გამოუცხადა. 

რუსეთმა იაპონიის სანქციების საწინააღმდეგოდ, განაცხადა, რომ წყვეტს მოლაპარაკებებს იაპონიასთან მე-2 მსოფლიო ომის შედეგებთან დაკავშირებით. 

რუსეთის პრეზიდენტის მრჩეველმა ადამიანის უფლებათა საკითხებში მოუწოდა რუსეთის დუმას მიიღოს კანონი, რომელიც აკრძალავს ტაქსის მძღოლობას უცხოური მართვის მოწომობით. შოკია!!!

დიდი ბრიტანეთი რუსეთიდან ნავთობის იმპორტის ნულამდე დაყვანას აპირებს წლის ბოლომდე. 

Goldman Sachs და Barclays-მა რუსეთის ეკონომიკის პროგნოზები გააუარესეს.

რუსეთის მსხვილმა სავაჭრო ცენტრებმა (მოლები) დღეს მთავრობას მიმართეს დახმარების აღმოჩენისთვის.

რუსეთში Apple, Google, PayPal და სხვა პლატფორმების ხარისხი მნიშვნელოვნად გაუარესდა. მოქალაქეების უმრავლესობისთვის სერვისები უკვე ხელმიუწვდომელი გახდა.

ავსტრალიის მიერ გამოცხადებული სანქციების გამო, რუსეთში ბოქსიტებისა და ალუმინის ოქსიდების შეტანის აკრძალვის შედეგად, ალუმინის წარმოებას პრობლემები შეექმნა.

კომპანიებმა Nestle-მ (Nescafe, Gerber, Nesquik) და Unilever-მა (Domestos, Rexona, Calve) მომხმარებლები გააფრთხილეს, რომ ფასები მათ პროდუქციაზე აპრილიდან 45 პროცენტით გაიზრდება.

რუსეთის სადაზღვევო კომპანიები მომხმარებლებს აფრთხილებენ, რომ ავტომობილების გატაცების რაოდენობა და შემთხვევები გაიზრდება, სათადარიგო ნაწილების დეფიციტის გამო.

რუსეთის ფინანსთა სამინისტრო გამოდის ინიციატივით სამჯერ შემცირდეს ჯარიმის ოდენობა ვალუტის არაკოანონიერ გადამხურდავებლებზე.

ერთადერთი ბიზნესი, რომელიც ომის დაწყებიდან დღემდე მზარდია, რუსეთის მოქალაქეებისთვის საზღვარგარეთ დროებით ან მუდმივი ბინადრობის შეთავაზებისა და სერვისების საემიგრაციო პლატფორმებია (იხ. Hello Move).

საერთაშორისო სარეიტინგო სააგენტო S&P 15 აპრილიდან წყვეტს რუსეთის კომპანიების სარეიტინგო შეფასებას.

სბერბანკიდან Alipay-ს საფულეებზე თანხების გადარიცხვის სერვისი დღეიდან დაიხურა. ვერ დაიჭირავს სიკვდილსა ჩინური ალიფეიო, - ამბობენ ძველი ჰონკონგელები.

რუსეთის ხელისუფლებამ უცხოურ გამოცემებში სამეცნიერო სტატიების გამოქვეყნების აღრიცხვაზე და გათვალსწინებაზე მორატორიუმი გამოაცხადა. განცხადებაში ეს ეროვნული ინტერესების გათვალისწინებით არის ახსნილი. შოკი #2.

სპიდომ კონტრაქტი გაუწყვიტა ორგზის ოლიმპიურ ჩემპიონს ევგენი რილოვს, რომელიც პუტინის მხარდამჭერ მიტინგზე 18 მარტს გამოვიდა.

BNP Paribas წყვეტს კლიენტების მომსახურებას რუსეთიდან.

რუსეთს უკვე ჩამოართვეს 78 თვითმფრინავი, რომელიც სანქციების გამოცხადების დღიდან სხვა ქვეყნის ტერიტორიაზე აღმოჩნდა. ტრანსპორტის სამინისტრო სინანლუით აღნიშნავს, რომ სალიზინგო კომპანიებს გამოსყიდვის თხოვნით მიმართეს, მაგრამ პასუხი არ დაბრუნებიათ.

გუგლმა თანამშრომლების რუსეთიდან გაყვანა დაიწყო.

ფინანსთა სამინისტრო საგადასახადო ჯარიმებზე ფასდაკლების სისტემის ამოქმედებას აპირებს.

სიმენსმა რუსეთში მატარებლების მიწოდება შეწყვიტა.

რუსეთის ხელისუფლება გეგმავს მარკეტპლეისის შემნას რუსული აპლიკაციებისთვის ანდროიდის ბაზაზე. ვერ ეშვებიან გუგლს მაინც.

რუსული დუთიფრიები სახელმწიფოსგან დახმარებას ითხოვენ.

მოსკოვის ბირჟამ აუკრძალა (!!!) ინვესტორებს ე.წ. ლიკვიდური აქციების ღირებულების შემცირებაზე თამაში.

ბარემ ფიქსირებული ფასი დაუწესოს. შოკი #3“, — წერს გალუმაშვილი სოციალურ ქსელში.