კომუნიკაციების კომისია: ორგანიზაციის „რეპორტიორები საზღვრებს გარეშე“-ს, სტატია არასწორ ფაქტებს და შეცდომაში შემყვან დასკვნებს შეიცავს

კომუნიკაციების კომისია: ორგანიზაციის „რეპორტიორები საზღვრებს გარეშე“-ს, სტატია არასწორ ფაქტებს და შეცდომაში შემყვან დასკვნებს შეიცავს

access_time2020-07-22 10:46:11

კომუნიკაციების კომისია შეშფოთებას გამოთქვამს ორგანიზაციის - „რეპორტიორები საზღვრებს გარეშე“ მიერ გავრცელებულ ინფორმაციასთან დაკავშირებით, რომელიც ქართულ მედიას და „ელექტრონული კომუნიკაციების“ შესახებ კანონში შესულ ცვლილებებს ეხება, - ამის შესახებ ინფორმაციას კომუნიკაციების ეროვნული კომისია ავრცელებს.

 

მათივე ინფორმაციით, 20 ივლისს გამოქვეყნებული სტატია სათაურით - „ქართულ მედიაზე წინასაარჩევნოდ გაძლიერებული ზეწოლა“, არასწორ ფაქტებს და მათზე დაყრდნობით გაკეთებულ შეცდომაში შემყვან დასკვნებს შეიცავს. სტატიის თანახმად, „საპარლამენტო არჩევნებამდე 4 თვით ადრე, საქართველოს პარლამენტმა მიიღო შესწორება, რომელიც ზღუდავს მედიის თავისუფლებას“.

 

„კომისია გამოთქვამს წუხილს, რომ ისეთმა ავტორიტეტულმა და საპატივცემულო საერთაშორისო ორგანიზაციამ, როგორიც არის „რეპორტიორები საზღვრებს გარეშე“, ფაქტების შესწავლისა და გადამოწმების გარეშე საქართველოში არსებულ მედია გარემოსა და საკანონმდებლო ცვლილებებზე ნაჩქარევი, საერთაშორისო საზოგადოების შეცდომაში შემყვანი ინფორმაცია გაავრცელა.

 

კომუნიკაციების კომისიამ, საკანონმდებლო უწყებამ და აღმასრულებელმა ხელისუფლებამ არაერთი საჯარო განცხადება გააკეთა იმასთან დაკავშირებით, რომ საკანონმდებლო ცვლილებებს არაფერი ჰქონდა საერთო მედიასთან და „მაუწყებლობის შესახებ“ კანონთან. აღნიშნული დასტურდება თავად კანონში შეტანილი ცვლილებებით, რომლიც 17 ივლისს გამოქვეყნდა და, დაინტერესების შემთხვევაში, ხელმისაწვდომია ნებისმიერი პირისთვის.

 


კიდევ ერთხელ ვაცხადებთ, რომ ცვლილებები არ ეხება არცერთი ტიპის მაუწყებელს, მათ შორის არც მულტიპლექს პლატფორმის ოპერატორს. უფრო მეტიც, ცვლილებები შეეხება ელექტრონული კომუნიკაციების (და არა მაუწყებლობის) სფეროში მოქმედ არა ყველა ავტორიზებულ პირს, არამედ მხოლოდ ე.წ. კრიტიკული ინფრასტრუქტურის მფლობელ მნიშვნელოვანი ძალაუფლების მქონე კომპანიებს (SMP) და მხოლოდ იმ შემთხვევაში, თუ ისინი ბოროტად გამოიყენებენ მათ მდგომარეობას და ერთი წლის განმავლობაში კანონმდებლობის დენად, კონკურენციის შემზღუდავ დარღვევაზე ოთხჯერ სანქცირების შემდეგაც არ შეასრულებენ ისეთ სპეციფიურ ვალდებულებას, როგორიცა: ა) დაშვების ვალდებულება; ბ) სატარიფო ვალდებულება; გ) კომპანიის, მისი წილების/აქტივების გასხვისება სახელმწიფოს წინასწარი თანხმობის გარეშე.

შეუძლებელია, რომ ე.წ. კრიტიკული ინფრასტრუქტურის და კონკურენციის დაცვის მიზნით გადადგმულმა „ამ ნაბიჯებმა საფრთხე შეუქმნას მედიის დამოუკიდებლობას და პლურალიზმს“, როგორც ამას გამოქვეყნებულ სტატიაში ვკითხულობთ.

ორგანიზაციამ „რეპორტიორები საზღვრებს გარეშე“ დარწმუნებული ვართ კარგად იცის, რომ საქართველოში არსებული მედია პოლიტიკა არის ევროპის მასშტაბით ერთ-ერთი ყველაზე ლიბერალური როგორც კანონმდებლობის, ისე მისი აღსრულების თვალსაზრისით. დღეს მედია სრულიად არის დერეგულირებული, არ არსებობს არცერთი რეგულაცია, რომელიც მის სარედაქციო პოლიტიკაში, ან მის მიერ ნაწარმოებ კონტენტში ჩარევასთან იქნება დაკავშირებული. ქართული კანონმდებლობის მიხედვით, გაუქმებულია ლიცენზირების სისტემა, ტელემაუწყებლობის დაწყება ნებისმიერ პირს მარტივი ავტორიზაციით მაქსიმუმ 10 დღეში შეუძლია. დღეს ქვეყანაში გვაქვს 100-ზე მეტი ტელე და 40-ზე მეტი რადიო სამაუწყებლო არხი და პლურალისტული მედია გარემო.

 

თავად ორგანიზაცია „რეპორტიორები საზღვრებს გარეშე“ ანგარიშების მიხედვით, საქართველოში მედიის თავისუფლების ხარისხი ყოველწლიურად იზრდება: 2012 წელს ქვეყანა 104-ე ადგილზე იყო, ხოლო 2019 წლის მონაცემებით მე-60 ადგილზეა; 2012 წლიდან, საქართველო მედიის თავისუფლების კუთხით 44 საფეხურით დაწინაურდა და ეს სწორედ იმ ლიბერალური სახელმწიფო პოლიტიკის შედეგია, რომელიც ქვეყანაში მედიასთან დაკავშირებით არსებობს.

 

კიდევ ერთი თემა, რომელზეც სტატიაშია საუბარი მედიაკრიტიკის ვებ-პლატფორმას ეხება, სამწუხაროდ, ამ შემთხვევაშიც მხოლოდ ცალკეული მედიისა და არასამთავრობო ორგანიზაციების შეფასებებზე დაყრდნობით, რაც არ ასახავს რეალობას. სტატიაში არაფერია ნათქვამი ვებ-პლატფორმის რეალურ მიზნებსა და სიკეთეებზე. www.mediaciritc.ge, რომელიც კომუნიკაციების კომისიის მედიააკადემიამ მედიაწიგნიერების განვითარების ხელშესაწყობად შექმნა, მოწოდებულია საზოგადოებას პროფესიული და კვალიფიციური, მიუკერძოებელი მედიაკრიტიკა შესთავაზოს კრიტიკული აზროვნების განვითარების და, საბოლოო ჯამში, გააზრებული და ინფორმირებული არჩევანის გაკეთების მიზნით.

 

კომუნიკაციების კომისიისთვის, როგორც ქვეყანაში მედია პოლიტიკის განმსაზღვრელი უწყებისთვის, კატეგორიულად მიუღებელია მცდარ, გადაუმოწმებელ ფაქტებზე დაფუძნებული ინფორმაციისა და შეფასებების გავრცელება, რამაც შესაძლოა ზიანი მიაყენოს ქვეყნის იმიჯს და შეცდომაში შეიყვანოს საერთაშორისო საზოგადოება. აქედან გამომდინარე, მივმართავთ ორგანიზაციას „რეპორტიორები საზღვრებს გარეშე“ თავად გადაამოწმოს ზემოთ მოყვანილი ფაქტები, მხოლოდ ამის შემდგომ გააკეთოს შეფასებები და რეალური ინფორმაცია მიაწოდოს საზოგადოებას საქართველოში არსებულ მედია გარემოზე“ - ნათქვამია კომუნიკაციების კომისიის მიერ გავრტცელებულ ინფორმაციაში.

 





„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI

„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI
access_time2023-04-25 14:00:33
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.  მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
access_time2023-04-25 13:30:40
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.   ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.   ცნობისთვის, IRI-ის კვლევა 2023 წლის 4-23 მარტის პერიოდში...

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
access_time2023-04-25 12:50:16
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები. ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება. აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა. „წარმატებული...

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
access_time2023-04-25 13:15:07
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.   კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო
access_time2023-04-25 12:30:09
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს. ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...


მსგავსი სიახლეები

up